മണത്തല മത്സ്യതൊഴിലാളി സഹകരണ സംഘം 39.5 ലക്ഷം രൂപയുടെ ധനസഹായം വിതരണം ചെയ്തു

​ചാവക്കാട്: കടപ്പുറം മണത്തല മത്സ്യതൊഴിലാളി വികസന ക്ഷേമ സഹകരണ സംഘത്തിന്റെ ആഭിമുഖ്യത്തിൽ മത്സ്യഫെഡിന്റെ സഹായത്തോടെ നടപ്പിലാക്കുന്ന സാമ്പത്തിക സഹായ പദ്ധതിയുടെ വിതരണോദ്ഘാടനം നടന്നു. എട്ട് ഗ്രൂപ്പുകൾക്കായി മുപ്പത്തിഒൻപതു ലക്ഷത്തി അമ്പതിനായിരം രൂപയാണ് (39.5 ലക്ഷം) വിതരണം ചെയ്തത്.

​ചാവക്കാട് നഗരസഭ ചെയർമാൻ എ.എച്ച്. അക്ബർ വിതരണോദ്ഘാടനം നിർവ്വഹിച്ചു. സംഘം പ്രസിഡന്റ് കെ.എം. അലി ചടങ്ങിൽ അദ്ധ്യക്ഷത വഹിച്ചു.

​ഡയറക്ടർമാരായ എ.എ. ശിവദാസൻ, പ്രസന്ന വിശ്വനാഥൻ, വി.വി. വിബീഷ്, വസന്ത വേണു, നസീമ അയൂബ് എന്നിവരും സംഘം ജീവനക്കാരായ സെക്കീന മുസ്തഫ, കെ. സിന്ധു എന്നിവരും ചടങ്ങിൽ സംസാരിച്ചു.

​സംഘം വൈസ് പ്രസിഡന്റ് കെ.വി. സന്തോഷ് സ്വാഗതവും, സെക്രട്ടറി കെ.എസ്. സനില നന്ദിയും രേഖപ്പെടുത്തി. മത്സ്യത്തൊഴിലാളികളുടെ ഉന്നമനം ലക്ഷ്യമിട്ടുള്ള കൂടുതൽ പദ്ധതികൾ വരും ദിവസങ്ങളിൽ നടപ്പിലാക്കുമെന്ന് സംഘം ഭാരവാഹികൾ അറിയിച്ചു.