എംപീസ് കോവിഡ് കെയർ – തിരുവത്രയിൽ കമ്മ്യൂണിറ്റി കിച്ചൻ ആരംഭിച്ചു

ചാവക്കാട് : ടി എൻ പ്രതാപൻ എം പി യും ചാവക്കാട് മഹാത്മ കൾച്ചറൽ സെൻ്ററും സംയുക്തമായി സംഘടുപ്പിക്കുന്ന എംപീസ് കോവിഡ് കെയർ വിശപ്പുരഹിത ചാവക്കാട് പദ്ധതിയുടെ ഭാഗമായുള്ള കമ്മ്യൂണിറ്റി കിച്ചൻ തിരുവത്ര കുഞ്ചേരിയിൽ ആരംഭിച്ചു.

ചാവക്കാട് നഗരസഭയുടെ പടിഞ്ഞാറൻ പ്രദേശത്ത് കോവിഡ് പോസിറ്റീവ് സ്ഥിതീകരിച്ച് വീടുകളിൽ കൊറന്റൈനിൽ കഴിയുന്നവർക്കും, ലോക്ഡൌൺ മൂലം ഭക്ഷണം ലഭ്യമല്ലാത്ത നിർധനരായ ആളുകൾക്കും ഭക്ഷണം താമസസ്ഥലത്ത് എംപീസ് കോവിഡ് കെയർ ബ്രിഗേഡ്സ് വഴി എത്തിച്ചു നൽകുന്നതാണ് പദ്ധതി.

കോവിഡ് ബാധിക്കുകയും പിന്നീട് നെഗറ്റീവ് ആവുകയും ചെയ്തവർ താമസിച്ചിരുന്ന വീടുകളിൽ സാനിറ്റൈസ് ചെയ്ത് അണുവിമുക്തമാക്കൽ,
അടിയന്തിരമായി ലഭ്യമാക്കേണ്ട മരുന്നുകൾ, പൾസ് ഓക്സിമീറ്റർ എന്നിവ വീടുകളിൽ എത്തിച്ചു നൽകുക തുടങ്ങിയ പ്രവർത്തനങ്ങളും എംപീസ് കോവിഡ് കെയർന്റെ ഭാഗമാണ്.

അണുവിമുക്തമാക്കാൻ ഉള്ള ഫോഗ് മെഷീനും, അതിലേക്ക് വേണ്ട സാനിറ്റയ്സറും, പൾസ് ഓക്സി മീറ്ററും എം പി പ്രതാപൻ കോൺഗ്രസ്സ് ബ്ലോക്ക് പ്രസിഡന്റ്‌ സി. എ. ഗോപപ്രതാപൻ, മണ്ഡലം കോൺഗ്രസ്സ് പ്രസിഡന്റ്‌ കെ. വി. ഷാനവാസ്‌ എന്നിവർക്ക് കൈമാറി ഉദ്ഘാടനം ചെയ്തു.

മഹാത്മാ കൾച്ചറൽ സെന്റർ വൈസ് പ്രസിഡന്റ് കെ എച്ച് ഷാഹുൽഹമീദ്, കെ. എം. ശിഹാബ്, എച്ച്. എം. നൗഫൽ, എം. എസ്. ശിവദാസ്, ഷക്കീർ മുട്ടിൽ, തബഷീർ മഴുവഞ്ചേരി, ഫൈസൽ കാനാമ്പുള്ളി, പി. വി. ഹാരിസ് എന്നിവർ ചടങ്ങിൽ സന്നിഹിതരായിരുന്നു.

അന്താരാഷ്ട്ര നിലവാരത്തിലുള്ള സുഗന്ധദ്രവ്യങ്ങൾ കുറഞ്ഞ വിലയിൽ ലഭിക്കാൻ ഇപ്പൊൾ തന്നെ ബന്ധപ്പെടുക. ഓർഡർ നിങ്ങൾക്ക് വാട്സാപ്പിലോ 91 799 4987 599 അല്ലെങ്കിൽ ഈ വെബ്സൈറ്റ് ലിങ്കിലോ ചെയ്യാവുന്നതാണ് www.leparfum.in/leonara/shop/