നൗഷാദ് വധം – പ്രതിയുമായി തെളിവെടുപ്പ് നടത്തി

 ചാവക്കാട്  : കോൺഗ്രസ് ബൂത്ത് പ്രസിഡന്റ് പുന്ന നൗഷാദിനെ വെട്ടിക്കൊലപ്പെടുത്തിയ സംഭവത്തിൽ അറസ്റ്റിലായ പ്രതിയുമായി തെളിവെടുപ്പ് നടത്തി. കേസിൽ അറസ്റ്റിലായ എസ്.ഡി.പി.ഐ പ്രവർത്തകൻ എടക്കഴിയൂർ നാലാംകല്ല് തൈപ്പറമ്പിൽ മുബിനെയാണ് ഇന്ന് രാവിലെ പുന്നയിലെ സംഭവസ്ഥലത്തും എടക്കഴിയൂർ നാലാംകല്ലിലുള്ള വീട്ടിലും കൊണ്ടു വന്ന് തെളിവെടുപ്പ് നടത്തിയത്. ആക്രമണത്തിനായി ഉപയോഗിച്ച ആയുധം വീടിനടുത്തെ പറമ്പിൽ നിന്നും ആക്രമണ സമയത്ത് ധരിച്ചിരുന്ന വസ്ത്രം വീട്ടിൽ നിന്നും കണ്ടെടുത്തു. ചാവക്കാട് എസ്.എച്ച്.ഒ ജി ഗോപകുമാറിന്റെ നേതൃത്വത്തിലായിരുന്നു തെളിവെടുപ്പ്. ഇന്നലെയാണ് മുബീൻ അറസ്റ്റിലായത്.