ഒരുമനയൂർ ഇസ്ലാമിക് എയ്ഡ്സ് ബോധവൽക്കരണ ക്ലാസ് സംഘടിപ്പിച്ചു

ഒരുമനയൂർ: ഒരുമനയൂർ ഇസ്ലാമിക് വൊക്കേഷണൽ ഹയർ സെക്കൻഡറി സ്കൂളിൽ വിദ്യാർത്ഥികൾക്കായി HIV/AIDS ബോധവൽക്കരണ ക്ലാസ് സംഘടിപ്പിച്ചു.ചാവക്കാട് താലൂക്ക് ആശുപത്രിയിലെ ഹെൽത്ത് ഇൻസ്പെക്ടർ രാംകുമാർ ക്ലാസിന് നേതൃത്വം നൽകി. രോഗവ്യാപനത്തിന്റെ കാരണങ്ങൾ, പ്രതിരോധ മാർഗ്ഗങ്ങൾ, രോഗബാധിതരോടുള്ള സമൂഹത്തിന്റെ പുലർത്തേണ്ട അനുകമ്പയും മനോഭാവവും എന്നിവയെക്കുറിച്ച് അദ്ദേഹം വിദ്യാർത്ഥികളുമായി സംവദിച്ചു. ചാവക്കാട് ലീഗൽ സർവീസ് പരിപാടിയുടെ പ്രവർത്തനങ്ങൾക്കും അദ്ദേഹം നേതൃത്വം നൽകി.സ്കൂൾ പ്രിൻസിപ്പൽ ടി.എൻ. സതീഷ്കുമാർ ചടങ്ങിൽ അധ്യക്ഷത വഹിച്ചു. പി.ടി.എ. പ്രസിഡന്റ് നിഷാദ് മാളിയേക്കൽ, ലീഗൽ സർവീസ് പ്രതിനിധി സുപ്രിയ എന്നിവർ ആശംസകൾ നേർന്നു സംസാരിച്ചു.സ്കൂളിലെ അധ്യാപകരും, എൻ.എസ്.എസ്. (NSS), ജെ.ആർ.ആർ.സി. (JRRC) ക്ലബ് അംഗങ്ങളും ചടങ്ങിൽ സജീവമായി പങ്കെടുത്തു. വിദ്യാർത്ഥികൾക്കിടയിൽ ആരോഗ്യപരമായ അവബോധം സൃഷ്ടിക്കുന്നതിന് ക്ലാസ് ഏറെ സഹായകരമായി.




Comments are closed.