പാലയൂർ തനിമ റോഡും കാനയും ഉദ്ഘാടനം ചെയ്തു

പാലയൂർ : പാലയൂർ തനിമ റോഡിന്റെയും കാനയുടെയും ഉദ്ഘാടനം നഗരസഭ ചെയർപേഴ്സൺ ഷീജ പ്രശാന്ത് നിർവഹിച്ചു. നഗരസഭാ വൈസ് ചെയർമാൻ കെ.കെ. മുബാറക് അധ്യക്ഷത വഹിച്ചു. നഗരസഭാ അസിസ്റ്റന്റ് എഞ്ചിനീയർ ടോണി സി എൽ പദ്ധതി വിശദീകരണം നടത്തി.  14-ാം വാർഡ് കൗൺസിലർ  സുപ്രിയ  രാമചന്ദ്രൻ സ്വാഗതം ആശംസിച്ചു. ആരോഗ്യകാര്യ സ്റ്റാൻഡിങ് കമ്മിറ്റി ചെയർപേഴ്സൺ ബുഷറ ലത്തീഫ്, പെരുമരാമത്ത് കാര്യ സ്റ്റാൻഡിങ് കമ്മിറ്റി ചെയർമാൻ അഡ്വ. മുഹമ്മദ് അൻവർ, വിദ്യാഭ്യാസ കലാകായിക സ്ഥിരം സമിതി ചെയർപേഴ്സൺ പ്രസന്ന രണദിവെ, നഗരസഭ കൗൺസിലർ  ഫൈസൽ കാനാമ്പുള്ളി   എന്നിവർ ആശംസകൾ അർപ്പിച്ച് സംസാരിച്ചു. വികസന കാര്യ സ്റ്റാൻഡിങ് കമ്മിറ്റി ചെയർപേഴ്സൺ ഷാഹിന സലിം നന്ദി പറഞ്ഞു.

 നഗരസഭയുടെ വാർഷിക പദ്ധതിയിൽ ഉൾപ്പെടുത്തി 11,60,000/-  രൂപ ചെലവഴിച്ചാണ് പണി പൂർത്തീകരിച്ചത്. ജനപ്രതിനിധികൾ, നാട്ടുകാർ തുടങ്ങി നിരവധി പേർ പങ്കെടുത്തു.