തിരുവത്ര പുത്തൻ കടപ്പുറം പള്ളിയിലെ പീഡനം – കോഴിക്കോട് സ്വദേശി അറസ്റ്റിൽ

ചാവക്കാട് : പ്രായപൂർത്തിയാകാത്ത കുട്ടിയെ പ്രകൃതിവിരുദ്ധ പീഡനത്തിന് ഇരയാക്കിയ ദറസ് അധ്യാപകൻ അറസ്റ്റിൽ. തിരുവത്ര പുത്തൻ കടപ്പുറം പള്ളിയിൽ മതപഠനം നടത്തിവരുന്ന വന്നിരുന്ന കുട്ടിയെ പ്രകൃതിവിരുദ്ധ പീഡനത്തിന് ഇരയാക്കിയ അധ്യാപകനായ കോഴിക്കോട് കല്ലായി പന്നിയങ്കര മുഹമ്മദ്‌ നജ്മുദ്ധീനെ( 27)യാണ് ചാവക്കാട് പോലീസ് അറസ്റ്റ് ചെയ്തത്.

ചാവക്കാട് പോലീസ് സ്റ്റേഷനിൽ കേസെടുത്ത വിവരം അറിഞ്ഞതിനെ തുടർന്ന് അജ്മീർ ദർഗ, മഹാരാഷ്ട്ര, ബീഹാർ, ലക്ഷദ്വീപ് എന്നിവിടങ്ങളിൽ ഒളിവിൽ കഴിയുകയായിരുന്ന പ്രതിയെ ഇന്നലെ നാട്ടിൽ തിരിച്ചെത്തിയപ്പോഴാണ് പോലീസ് കോഴിക്കോട് വെച്ച് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ കോടതി 14 ദിവസത്തേക്ക് റിമാൻഡ് ചെയ്തു.

പ്രധാന അധ്യാപകന്റെ കീഴിൽ വിവിധ പള്ളികളിലെ മതപഠന ക്ലാസുകളിൽ വിസിറ്റിംഗ് അധ്യാപകനായി പ്രവർത്തിച്ചുവന്ന പ്രതി നജ്മുദ്ധീൻ തിരുവത്ര പുത്തൻകടപ്പുറം പള്ളിയിലെ സന്ദർശകനായിരുന്നു.

അന്താരാഷ്ട്ര നിലവാരത്തിലുള്ള സുഗന്ധദ്രവ്യങ്ങൾ കുറഞ്ഞ വിലയിൽ ലഭിക്കാൻ ഇപ്പൊൾ തന്നെ ബന്ധപ്പെടുക. ഓർഡർ നിങ്ങൾക്ക് വാട്സാപ്പിലോ
https://wa.me/917994987599?text=Hi
അല്ലെങ്കിൽ ഈ വെബ്സൈറ്റ് ലിങ്കിലോ ചെയ്യാവുന്നതാണ്
www.leparfum.in/leonara/shop/