സർ സയ്യിദ് ഇംഗ്ലീഷ് സ്കൂളിൽ ലോക ഫോട്ടോഗ്രാഫി ദിനം ആഘോഷിച്ചു

പാവറട്ടി : പാവറട്ടി സർ സയ്യിദ് ഇംഗ്ലീഷ് സ്കൂളിൽ അന്താരാഷ്ട്ര ഫോട്ടോഗ്രാഫി ദിനം അതിവിപുലമായി ആചരിച്ചു. പ്രശസ്ത ജൈവവൈവിധ്യ ഫോട്ടോഗ്രാഫറും എ.കെ.പി.എ ചാവക്കാട് യൂണിറ്റ് സെക്രട്ടറിയുമായ സലീം ഐ ഫോക്കസ്, എ.കെ.പി.എ ചാവക്കാട് മേഖല ജോയിന്റ് സെക്രട്ടറി മുഹമ്മദ് ഷാ എന്നിവർ പരിപാടിയിൽ മുഖ്യാതിഥികളായി പങ്കെടുത്തു.​ചടങ്ങിൽ സ്കൂൾ പ്രിൻസിപ്പൽ അൻവർ സാദിഖ് അധ്യക്ഷത വഹിച്ചു. “ഫോട്ടോയും അനുഭവങ്ങളും” എന്ന വിഷയത്തിൽ വിദ്യാർത്ഥികളോട് സംവദിച്ച അദ്ദേഹം, ഓരോ ചിത്രത്തിനും പിന്നിലുള്ള കഥയും കാഴ്ചപ്പാടും മനസ്സിലാക്കേണ്ടതിന്റെ പ്രാധാന്യത്തെക്കുറിച്ച് വിശദീകരിച്ചു.​സ്കൂൾ ഡെപ്യൂട്ടി മാനേജർ എം. നാസർ, ജനറൽ സെക്രട്ടറി പി.പി. മുഹമ്മദ്, വൈസ് പ്രിൻസിപ്പൽ സഫ സഗീർ, അധ്യാപകരായ സുധീഷ്, ശാലിനി എന്നിവർ ചടങ്ങിൽ സംബന്ധിച്ചു. ദിനാചരണത്തിന്റെ ഭാഗമായി വിദ്യാർത്ഥികൾ ഒരുക്കിയ ഫോട്ടോഗ്രഫി പ്രദർശനം ഏറെ ശ്രദ്ധേയമായി.