Day: September 28, 2018

ചാവക്കാട് : എം എസ് എസ്  ചാവക്കാട് താലൂക്ക് കമ്മിറ്റിയുടെ നേത്രത്വത്തിൽ പ്രളയ ദുരിതബാധിതർക്കായി കിറ്റുകൾ വിതരണം ചെയ്തു. പുന്നയിലെ ദുരിത ബാധിതർക്കായി പുന്നസെന്ററിൽ നടന്ന ചടങ്ങിൽ വെച്ച് ജില്ലാ പ്രസിഡണ്ട് ടി എസ് നിസാമുദ്ദീൻ കിറ്റ് വിതരണം നടത്തി. താലൂക്ക് സെക്രട്ടറി നൗഷാദ് തെക്കുംപുറം അധ്യക്ഷത വഹിച്ചു. വാർഡ് കൗണ്സിലർ ഷാഹിത മുഹമ്മദ്, അഡ്വ. കെ എസ് എ. ബഷീർ, ഹാരീസ്, കെ മുഹമ്മദ്, ഹക്കീം ഇബാറക്ക്, എം പി ബഷീർ, പി വി മുഹമ്മദ് അഷ്റഫ്, അഷ്റഫ് പുന്ന തുടങ്ങിയവർ...

ചാവക്കാട് : മഴ മാറിയിട്ടും ചേറ്റുവ -ചാവക്കാട് ദേശീയപാത പൂർണമായും ടാർ ചെയ്ത് സഞ്ചാരയോഗ്യമാക്കാൻ അധികാരികൾ തയ്യാറാകാത്തത് പ്രതിഷേധാർഹമാണെന്ന് സേവ് എൻ എച്ച് ജനകീയ സംരക്ഷണ സമിതി യോഗം അഭിപ്രായപ്പെട്ടു. സേവ് എൻ എച്ച് ഉയർത്തിയ ശക്തമായ ജനകീയ പ്രക്ഷോഭത്തിന്റെ ഭാഗമായി അധികാരികൾ നൽകിയ വാഗ്ദാനം പാലിക്കാതിരിക്കുന്നത് ജനങ്ങളോടുള്ള വെല്ലുവിളിയും, കബളിപ്പിക്കലുമാണ്. റോഡ് പണി പാതിവഴിയിൽ ഉപേക്ഷിച്ച സാഹചര്യമാണിപ്പോഴുള്ളത്. റോഡ് പൂർണമായും തകർന്ന് കിടക്കുന്ന പാലംകടവ് ഭാഗത്ത് കോൺക്രീറ്റ് ചെയ്ത് ടൈൽ വിരിച്ച് റോഡുയർത്തി സഞ്ചാരയോഗ്യമാക്കുമെന്ന പ്രഖ്യാപനവും നടപ്പിലാക്കാൻ അധികാരികൾ തയ്യാറായിട്ടില്ല. മാത്രമല്ല പണി പൂർത്തികരിച്ചെന്ന അവകാശപ്പെടുന്ന ഭാഗങ്ങളിൽ പോലും നല്ല നിലയിൽ ടാർ ചെയ്യാത്തത് മൂലം ചില ഭാഗങ്ങൾ പൊട്ടിപൊളിഞ്ഞു തുടങ്ങിയിരിക്കുന്നു. ഈ റോഡിൽ അപകടങ്ങൾ ഒരു തുടർകഥയാവുകയാണ്. നിരന്തരം വാഗ്ദാന ലംഘനങ്ങൾ നടത്തി ജനങ്ങളുടെ ക്ഷമ പരീക്ഷിക്കുകയാണ് ബന്ധപ്പെട്ട അധികാരികൾ ചെയ്യുന്നതെന്നും യോഗം അഭിപ്രായപ്പെട്ടു. ഈ സാഹചര്യത്തിൽ അടിയന്തിര പരിഹാരത്തിന് അധികാരികൾ തയ്യാറായില്ലെങ്കിൽ ജനങ്ങളെ അണിനിരത്തി കക്ഷിരാഷ്ട്രിയത്തിനതീതമായി...

ചാവക്കാട്: ദേശീയപാതയില്‍ ഒരുമനയൂര്‍ ഒറ്റത്തെങ്ങിന് സമീപം ബൈക്കില്‍ ഇരിക്കുകയായിരുന്ന യുവാവിനെ ആക്രമിച്ച് പരിക്കേല്‍പ്പിച്ച കേസിലെ മുഖ്യപ്രതിയെ ചാവക്കാട് പോലീസ് അറസ്റ്റു ചെയ്തു. തിരുവത്ര മേത്തിവീട്ടില്‍ ഷെജീ(26)റിനെയാണ് അറസ്റ്റു ചെയ്തത്. 24-നായിരുന്നു കേസിനാസ്പദമായ സംഭവം. അറസ്റ്റിലായ ഷെജീര്‍ ഉള്‍പ്പെടെ ഒമ്പത് പേര്‍ മൂന്ന് ബൈക്കുകളിലായി വന്ന് ഇടിക്കട്ടയും മറ്റും ഉപയോഗിച്ച് പാലുവായ് സ്വദേശി തറയില്‍ ഫര്‍സിലി(25)നെ ആക്രമിച്ച് പരിക്കേല്‍പ്പിച്ചെന്നാണ് കേസ്. ഫര്‍സിലിന്റെ മൊബൈല്‍ ഫോണ്‍ പ്രതികള്‍ എറിഞ്ഞുതകര്‍ക്കുകയും ചെയ്തു. പ്രതികളുടെ ക്ലബിലെ അംഗങ്ങളുമായി ഫര്‍സില്‍ വഴക്കിട്ടു എന്നാരോപിച്ചായിരുന്നു...