ഗുരുവായൂർ മണ്ഡലത്തിൽ 2825 ഇരട്ട വോട്ടുകൾ – യു ഡി എഫ് ഇലക്ഷൻ കമ്മീഷന് പരാതി നൽകി

ചാവക്കാട് : ഗുരുവായൂർ നിയോജകമണ്ഡലത്തിൽ 2825 ഐ ഡി കളിൽ ഇരട്ട വോട്ടുകൾ കണ്ടെത്തിയതായി യു ഡി എഫ്. ഐഡി നമ്പർ, ബൂത്ത്‌ നമ്പർ എന്നിവ ഉൾപ്പെടെ ഇലക്ഷൻ കമ്മീഷന് പരാതി നൽകിയതായി യു ഡി എഫ് തിരഞ്ഞെടുപ്പ് കമ്മിറ്റി ചെയർമാൻ അറിയിച്ചു.

ഒന്നു മുതൽ 188 വരെയുള്ള ബൂത്തുകളിലെ വോട്ടർ ഐ ഡി കളിലും രണ്ടു വീതം രെജിസ്ട്രേഷൻ നടന്നിട്ടുണ്ട്. ഇങ്ങനെ ഒരേ ബൂത്തിലും വ്യത്യസ്ഥ ബൂത്തുകളിലുമായി 2825 ഐ ഡി കളിലാണ് ഇരട്ട രെജിസ്ട്രേഷൻ നടന്നിട്ടുള്ളത്.

ഇരട്ട രെജിസ്ട്രേഷൻ നടന്നതായി കണ്ടെത്തിയിട്ടുള്ള വോട്ടർമാർ വിരലിലെ മഷി ഉണങ്ങുന്നത് വരെ ബൂത്തിൽ ഇരിക്കേണ്ടി വരുമെന്ന് തിരഞ്ഞെടുപ്പ് കമ്മീഷന്റെ അറിയിപ്പ് വന്നിട്ടുണ്ട്.