എടക്കഴിയൂർ നേർച്ച ജനുവരി 8, 9 തിങ്കൾ ചൊവ്വ ദിവസങ്ങളിൽ

എടക്കഴിയൂർ : സയ്യിദ് ഹൈദ്രോസ് ഇമ്പിച്ചിക്കോയ തങ്ങളുടെയും സഹോദരി ബികുഞ്ഞി ബീവിയുടെയും ജാറത്തിലെ 166 മത് ചന്ദനക്കുടം നേർച്ച 2024 ജനുവരി 8,9 തീയതികളിലായി ആഘോഷിക്കും. കോഴപ്പാട് പരേതനായ അയ്യപ്പുവിന്റെ വസതിയിൽ നിന്നും ആദ്യ കാഴ്ച്ച പുറപ്പെടുന്നതോടെ ആഘോഷങ്ങൾക്ക്‌ തുടക്കമാകും. തിങ്കളാഴ്ച ഉച്ചതിരിഞ്ഞു എടക്കഴിയൂർ പഞ്ചവടി കടപ്പുറത്തുനിന്ന് പുറപ്പെടുന്ന തിരുമുൽക്കാഴ്ച രാത്രി 10 മണിക്ക് ജാറത്തിൽ എത്തിച്ചേരും. തുടർന്ന് ഗുസ്താവോ ഫസ്റ്റ് രാത്രി 12 മണിക്ക് ജറാത്തിൽ എത്തും. തെക്കുഭാഗം  കാഴ്ചകൾ  ഹോപ്സ് മുട്ടിൽ, ഹുലിയൻസ് കുരഞ്ഞിയോർ എന്നിവ രാത്രി പന്ത്രണ്ടു മണിയോടെ ജാറം അംഗണത്തിൽ സമാപിക്കും. 

നേർച്ചയുടെ രണ്ടാം ദിവസം  രാവിലെ  8 മണിക്ക് യഹിയ തങ്ങളുടെ വസതിയിൽ നിന്നും,  അതിർത്തിയിൽ നിന്നും ആരംഭിക്കുന്ന തെക്ക്, വടക്ക്‌ ഭാഗം കമ്മറ്റികളുടെ കൊടിക്കയറ്റ കാഴ്ചകൾ കൃത്യം 12 മണിക്ക് ജാറത്തിൽ എത്തി കൊടികയറ്റും. 

തുടർന്ന് കാജാ ഫസ്റ്റ്, ന്യൂ ഫ്രണ്ട്സ്, ന്യൂ ബ്രദേഴ്സ്, മഷാഹി, ഡീസോൺ ഫാൽക്കാൺ, തമ്പ്രാക്കൻസ്, സിറ്റി ഗേസ്, നോവ ഫസ്റ്റ്, ന്യൂ ചലഞ്ച്,  ഹരിസോണ  എന്നീ ക്ലബ്ബുകളുടെ കാഴ്ചകൾ വടക്കു ഭാഗത്ത്‌ നിന്നും, തെക്ക് ഭാഗത്ത്‌ നിന്ന് അഫയൻസ് എടക്കഴിയൂർ, യൂത്ത് പവർ ചങ്ങാടം റോഡ്, പുല്ലൻചിറ അതിർത്തി, സെനിത്ത് അതിർത്തി, സ്പാർട് എക്സ് അതിർത്തി, ലിബ്രറ്റ് പുതിയറ, സ്കോർ പിയോൻസ് തിരുവത്ര, ബ്ലാക്ക്ക്രോപ്സ് തിരുവത്ര ബീച്ച്, റിബിൾസ് ചെങ്ങാടം റോഡ് എന്നീ കാഴ്ചകളും ഉണ്ടാകും.