വിരമിച്ച അംഗനവാടി ടീച്ചറെ അണ്ടത്തോട് സ്കിൽ ഗ്രൂപ്പ്‌ വനിതാ വിംഗ് ആദരിച്ചു

പുന്നയൂർക്കുളം: 35 വർഷത്തോളം അണ്ടത്തോട് ബീച്ച് മൂന്നാം നമ്പർ അങ്കണവാടിയിൽ സേവനമനുഷ്ഠിച്ച് വിരമിച്ച ലത ടീച്ചറെ അണ്ടത്തോട് സ്കിൽ ഗ്രൂപ്പ്‌ വനിതാ വിംഗ് ആദരിച്ചു. അണ്ടത്തോട് ക്ലബ്ബ് ഓഫീസിൽ നടന്ന പരിപാടി വാർഡ് മെമ്പർ പി. എസ്. അലി ഉദ്‌ഘാടനം നിർവഹിച്ചു. വാസന്തി അധ്യക്ഷത വഹിച്ചു. പ്രസീത ലത ടീച്ചറെ പൊന്നാട അണിയിച്ചു. വാസന്തിയും വിനീതയും ഉപഹാരം കൈമാറി. ജംഷീന ടീച്ചർ, രാധ ടീച്ചർ, ഗീത, ജിഷ, മുസമ്മില, സഹല, ഷാദിയ, ഹർഷ, ഫർസാന തുടങ്ങിയവർ സംബന്ധിച്ചു.