ചാവക്കാട് : നാഷണൽ ടെസ്റ്റിംഗ് ഏജൻസി (NTA) നടത്തിയ 2026-ലെ ജെ.ഇ.ഇ മെയിൻ (JEE Main Phase–1) പരീക്ഷയിൽ മികച്ച നേട്ടം കരസ്ഥമാക്കി ചാവക്കാട് പുന്നയൂർ എടക്കര സ്വദേശി അബ്ദുള്ള ആസിം. 99.517 ശതമാനം മാർക്ക് നേടിയാണ് ആസിം ദേശീയതലത്തിൽ ശ്രദ്ധേയമായ വിജയം സ്വന്തമാക്കിയത്.
കോഴിക്കോട് സൈലം ക്യാമ്പസിലെ തീവ്രപരിശീലനമാണ് ആസിമിനെ ഈ നേട്ടത്തിന് അർഹനാക്കിയത്.
എടക്കര പൊക്കുളങ്ങര ഹൗസിൽ ശഹർബാൻ – അബ്ദുൽ ഷുക്കൂർ ദമ്പതികളുടെ മകനാണ് അബ്ദുള്ള ആസിം.
ഇന്ത്യയിലെ ഏറ്റവും പ്രശസ്തമായ എൻജിനീയറിംഗ് പ്രവേശന പരീക്ഷയിൽ ഉയർന്ന സ്കോർ നേടാനായതിൽ വലിയ സന്തോഷമുണ്ടെന്ന് ആസിം പ്രതികരിച്ചു. “കൃത്യമായ പ്ലാനിംഗും നിരന്തരമായ പരിശീലനവും അധ്യാപകരുടെയും മാതാപിതാക്കളുടെയും പിന്തുണയും പ്രാർത്ഥനയും എന്റെ വിജയത്തിൽ വലിയ പങ്കുവഹിച്ചതായി ആസിം കൂട്ടിച്ചേർത്തു.
ഭാവിയിൽ രാജ്യത്തെ മുൻനിര ഐ.ഐ.ടി-കളിൽ (IIT) ഉപരിപഠനം നടത്താനാണ് ആസിം ലക്ഷ്യമിടുന്നത്. ഈ വിജയത്തിലൂടെ ജെ.ഇ.ഇ അഡ്വാൻസ്ഡ് പരീക്ഷയ്ക്ക് യോഗ്യത നേടി.
Comments are closed.