ചാവക്കാട് നഗരസഭയിലെ ശുചീകരണ തൊഴിലാളി കെ.പി. പ്രമീളയ്ക്ക് യാത്രയയപ്പ് നൽകി

ചാവക്കാട്: ചാവക്കാട് നഗരസഭയിൽ നീണ്ട 19 വർഷക്കാലം ശുചീകരണ തൊഴിലാളിയായി മാതൃകാപരമായ സേവനം അനുഷ്ഠിച്ച കെ.പി. പ്രമീളയ്ക്ക് ചാവക്കാട് മുനിസിപ്പൽ വർക്കേഴ്സ് യൂണിയൻ (സി.ഐ.ടി.യു) യാത്രയയപ്പ് നൽകി ആദരിച്ചു.

​യാത്രയയപ്പ് സമ്മേളനത്തിന്റെ  ഉദ്ഘാടനം സി.ഐ.ടി.യു ചാവക്കാട് ഏര്യാ പ്രസിഡന്റ്‌ കെ.എം. അലി നിർവ്വഹിച്ചു. ചടങ്ങിൽ യൂണിറ്റ് സെക്രട്ടറി കെ.വി. വസന്ത് അധ്യക്ഷത വഹിച്ചു.

​വർഷങ്ങളായി നഗരസഭയുടെ ശുചിത്വ പരിപാലനത്തിൽ നൽകിയ വിലയേറിയ സംഭാവനകളെയും പ്രമീളയുടെ സേവന സന്നദ്ധതയെയും ചടങ്ങിൽ പങ്കെടുത്തവർ അനുസ്മരിച്ചു. കോഡിനേഷൻ കൺവീനർ കെ.സി. സുനിൽ, യൂണിയൻ പ്രസിഡന്റ് എ.വി. പ്രസന്ന, ട്രഷറർ ദീപ്തി ഫ്രാങ്കോ എന്നിവർ ചടങ്ങിൽ ആശംസകൾ അർപ്പിച്ചു സംസാരിച്ചു.