മനുഷ്യർ തമ്മിലുള്ള വേർതിരിവുകൾ ഇല്ലാതാക്കുകയാണ് പുതുതലമുറ നിർവഹിക്കേണ്ട ദൗത്യം

ചാവക്കാട്: മതിൽക്കെട്ടുകളാൽ വേർതിരിക്കപ്പെട്ടിട്ടുള്ള ഇന്നത്തെ കാലത്ത്, മനുഷ്യർ തമ്മിലുള്ള വേർതിരിവുകൾ ഇല്ലാതാക്കുകയാണ് പുതുതലമുറ നിർവഹിക്കേണ്ട പ്രധാന ദൗത്യമെന്ന് വിദ്യാഭ്യാസ പ്രവർത്തകനും ചാവക്കാട് ഡെപ്യൂട്ടി തഹസീൽദാറുമായ പി. വി. ഫൈസൽ പറഞ്ഞു.

​’നമ്മൾ ചാവക്കാട്ടുകാർ ആഗോള സൗഹൃദക്കൂട്ട്’  സംഘടനയുടെ സാമൂഹ്യ പ്രതിബദ്ധതയുടെ ഭാഗമായി സംഘടിപ്പിച്ച വിജയോത്സവം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. 2025 – ’26 അദ്ധ്യയനവർഷത്തിൽ വിവിധ പരീക്ഷകളിൽ ഉന്നത വിജയം നേടിയ സംഘടനയിലെ കുടുംബാംഗങ്ങളായ വിദ്യാർത്ഥികളെ ആദരിച്ചു. പ്രസിഡന്റ് സി.കെ. ഹക്കീം ഇമ്പാർക്ക് അദ്ധ്യക്ഷത വഹിച്ചു.

​ബദറുദ്ദീൻ ഗുരുവായൂർ, ഫിറോസ് പി. തൈപ്പറമ്പിൽ, സി.എം. ജനീഷ്, രാജൻ മാക്കൽ, ഷബീർ ശോഭ ഡിജിമാക്സ്, ടി.പി. അബ്ദുൽ കരീം, ആർ.യു. അൽത്താഫ്, സുഭാഷ് പൂക്കാട്ടിൽ, എഛ്.എസ്. നാസർ, രഞ്ജിത്ത് വാസു, മജീദ് അഫ്നാസ് തുടങ്ങിയവർ  ആശംസകൾ അർപ്പിച്ചു സംസാരിച്ചു.