വിജയികളെ ആദരിച്ച് ജമാഅത്തെ ഇസ്ലാമി എടക്കഴിയൂർ ഏരിയ കമ്മിറ്റി

മന്നലാംകുന്ന്: എസ്.എസ്.എൽ.സി, പ്ലസ് ടു പരീക്ഷകളിൽ മുഴുവൻ വിഷയങ്ങളിലും എ പ്ലസ് നേടി ഉന്നത വിജയം കൈവരിച്ച വിദ്യാർത്ഥിനികളെ ജമാഅത്തെ ഇസ്ലാമി എടക്കഴിയൂർ ഏരിയ കമ്മിറ്റിയുടെ ആഭിമുഖ്യത്തിൽ ആദരിച്ചു.​ചടങ്ങിൽ ഏരിയ പ്രസിഡന്റ് അബ്ദുസ്സമദ് അണ്ടത്തോട് അധ്യക്ഷത വഹിച്ചു. ഉന്നത വിജയം നേടിയ മിടുക്കികൾക്കുള്ള മൊമെന്റോകൾ ഐ. മുഹമ്മദ് അലി, കാരയിൽ അബൂബക്കർ, അബൂബക്കർ കാണാക്കോട്, അലി അകലാട് എന്നിവർ ചേർന്ന് വിതരണം ചെയ്തു.​സെക്രട്ടറി എ.വി. റസാഖ് ചടങ്ങിൽ സ്വാഗതം ആശംസിച്ചു. ഏരിയ കൺവീനർ ലുബ്ന ബക്കർ നന്ദിപ്രകാശനത്തോടെ ചടങ്ങുകൾക്ക് സമാപനം കുറിച്ചു.