ഗുരുവായൂർ നഗരസഭ ‘വിദ്യാഭ്യാസ ആദരം 2026:  എസ് എസ് എൽ സി, പ്ലസ് ടു പ്രതിഭകളെ ആദരിച്ചു

ഗുരുവായൂർ: ഗുരുവായൂർ നഗരസഭയുടെ നേതൃത്വത്തിൽ ഈ വർഷത്തെ ‘വിദ്യാഭ്യാസ ആദരം 2026’ സംഘടിപ്പിച്ചു. നഗരസഭ ടൗൺ ഹാളിൽ നടന്ന ചടങ്ങിൽ പ്രൊഫ. സി. രവീന്ദ്രനാഥ് എം.എൽ.എ പരിപാടിയുടെ ഉദ്ഘാടനം നിർവ്വഹിച്ചു. വിദ്യാഭ്യാസ മേഖലയിലെ മികവിനെ പ്രോത്സാഹിപ്പിക്കേണ്ടത് സമൂഹത്തിന്റെ കടമയാണെന്ന് അദ്ദേഹം അഭിപ്രായപ്പെട്ടു.​നഗരസഭ ചെയർപേഴ്‌സൺ സുനിത അരവിന്ദൻ അധ്യക്ഷത വഹിച്ച ചടങ്ങിൽ, കഴിഞ്ഞ എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം കൈവരിച്ച വിദ്യാർത്ഥികളെയും നൂറു ശതമാനം വിജയം ഉൾപ്പെടെ മികച്ച നേട്ടങ്ങൾ കൊയ്ത വിദ്യാലയങ്ങളെയും സ്മരണികകളും സർട്ടിഫിക്കറ്റുകളും നൽകി അനുമോദിച്ചു.​നഗരസഭ വൈസ് ചെയർമാൻ കെ.കെ. ജ്യോതിരാജ്, വിവിധ സ്റ്റാൻഡിങ് കമ്മറ്റി ചെയർമാൻമാരായ രതി ജനാർദ്ദനൻ, വി. അനൂപ്, ഷാനി റെജി, ബിന്ദു അജിത് കുമാർ, കൗൺസിലർമാരായ ശോഭ ഹരിനാരായണൻ, മഹിജ തുടങ്ങിയ പ്രമുഖർ ചടങ്ങിൽ സംബന്ധിക്കുകയും വിജയികൾക്ക് ആശംസകൾ നേർന്ന് സംസാരിക്കുകയും ചെയ്തു. അധ്യാപകരും രക്ഷിതാക്കളും വിദ്യാർത്ഥികളും ഉൾപ്പെടെ നിരവധി പേർ ചടങ്ങിൽ പങ്കെടുത്തു.