ഹജ്ജിനെത്തിയ ചാവക്കാട് സ്വദേശി വനിത മക്കയിലെ ആശുപത്രിയിൽ നിര്യാതയായി

ജിദ്ദ : ഹജ്ജിനെത്തിയ ചാവക്കാട് സ്വദേശി വനിത മക്കയിലെ ആശുപത്രിയിൽ നിര്യാതയായി.
ചാവക്കാട് അകലാട് മുന്നൈനി സ്വദേശിനി സുലൈഖ (61) ആണ്​ അസീസിയ ആശുപത്രിയിൽ മരിച്ചത്.
ജംറയിലെ കല്ലേറിന് ശേഷം അസുഖത്തെ തുടർന്ന് ആശുപത്രിയിൽ പ്രവേശിപ്പിക്കുകയായിരുന്നു.
സംസ്ഥാന പ്രവാസി ക്ഷേമ ബോർഡ് ചെയർമാൻ കെ.വി. അബ്​ദുൽ ഖാദർ ഇടപെട്ടതിനെ തുടർന്ന് നവോദയ പ്രവർത്തകരുടെ നേതൃത്വത്തിൽ നാട്ടിലേക്ക് പോകാനുള്ള ഒരുക്കത്തിനിടെയാണ് മരണം.

കഴിഞ്ഞമാസം 10ന്​ കൊച്ചിയിൽനിന്നും മഹ്​റമില്ലാതെയുള്ള ബാച്ചിലാണ് ഇവർ വന്നത്.
ഭർത്താവ്: അഹ്​മദ് അലി. രണ്ടു മക്കളുണ്ട്.
മക്കയിൽ ഖബറടക്കുന്നതിനുള്ള നിയമനടപടികൾ ജിദ്ദയിലെ നവോദയ പ്രവർത്തകൻ ഷറഫു കാളികാവി​െൻറയും കുടുംബാംഗങ്ങളുടെയും നേതൃത്വത്തിൽ പുരോഗമിക്കുന്നു.