പൊന്നാനിയിൽ ബസ്സും ബൈക്കും കൂട്ടിയിടിച്ച് അപകടം; മൂന്ന് പേർക്ക് പരിക്ക്, ഒരാളുടെ നില ഗുരുതരം.

പൊന്നാനി: പൊന്നാനി താലൂക്ക് ആശുപത്രിക്ക് സമീപം ബസ്സും ബൈക്കും കൂട്ടിയിടിച്ച് അപകടം. ഇന്ന് ഉച്ചയ്ക്ക് രണ്ട് മണിയോടെയാണ് സംഭവം. അപകടത്തിൽ പൊന്നാനി സ്വദേശിനികളായ മൂന്ന് പേർക്കാണ് പരിക്കേറ്റത്.​അപകടം നടന്നയുടൻ തന്നെ പരിക്കേറ്റവരെ സമീപത്തുള്ള പൊന്നാനി താലൂക്ക് ആശുപത്രിയിൽ പ്രവേശിപ്പിച്ചു. തുടർന്ന് വിദഗ്ധ ചികിത്സക്കായി എടപ്പാളിലെ സ്വകാര്യ ആശുപത്രിയിലേക്ക് മാറ്റി.​പരിക്കേറ്റവരിൽ ഒരാളുടെ നില അതീവ ഗുരുതരമായി തുടരുന്നതിനാൽ, വിദഗ്ധ തീവ്രപരിചരണത്തിനായി ഐ.സി.യു (ICU) ആംബുലൻസിന്റെ സഹായത്തോടെ കോട്ടക്കൽ മിംസ് ആശുപത്രിയിലേക്ക് മാറ്റി. വെളിയങ്കോട് എമർജൻസി ടീം ആംബുലൻസ്, പൊന്നാനി ആംബുലൻസ്, ലക്ഷ്വറി ആംബുലൻസ് എന്നിവരുടെ സഹായത്തോടെയാണ്‌ പരിക്കേറ്റവരെ ആശുപത്രികളിൽ എത്തിച്ചത്.