‘കടപ്പുറത്തൊരു ബഷീർ’ പുസ്തക ചർച്ച സംഘടിപ്പിച്ചു

ചാവക്കാട്: പി.സി. ഹമീദ് ഹാജി സ്മാരക ലൈബ്രറിയുടെ ആഭിമുഖ്യത്തിൽ കെ.കെ. ബഷീർ രചിച്ച ‘കടപ്പുറത്തൊരു ബഷീർ’ എന്ന പുസ്തകത്തെ പരിചയപ്പെടുത്തിക്കൊണ്ട് ചർച്ചാ പരിപാടി സംഘടിപ്പിച്ചു. കുടുംബശ്രീ ഹാളിൽ വെച്ച് നടന്ന ചടങ്ങിൽ പ്രമുഖ എഴുത്തുകാരൻ ഫിറോസ് തിരുവത്ര പുസ്തകം പരിചയപ്പെടുത്തി സംസാരിച്ചു.​പി.എ. മുഹമ്മദ് മാഷ് അധ്യക്ഷത വഹിച്ച ചടങ്ങിൽ പി.എച്ച്. മഹ്റൂഫ് സ്വാഗതവും പി.ബി. ഷാബിർ നന്ദിയും രേഖപ്പെടുത്തി.​തുടർന്ന് നടന്ന ചർച്ചയിൽ പുസ്തകത്തിന്റെ രചയിതാവ് കെ.കെ. ബഷീർ, അഹ്മദ് മുഈനുദ്ധീൻ, ആർ.കെ. ഇസ്മായിൽ, കെ.വി. അഷ്റഫ്, എം.വി.ടി. മൂസ, ഷരീഫ് മാസ്റ്റർ, മുഹമ്മദ്, ഹബ്രൂഷ്, എ.കെ. മുനീർ, ഹംസ, അസ്ലഹ ഉൾപ്പെടെ സാംസ്കാരിക രംഗത്തെ നിരവധി പ്രമുഖർ പങ്കെടുത്ത് സംസാരിച്ചു.