ബ്ളാങ്ങാട് ബീച്ച് ബേബി റോഡ് ടാറിങ് ഗതാഗത നിയന്ത്രണം ഇങ്ങനെ
![fairy tale](https://chavakkadonline.com/wp/wp-content/uploads/2024/05/fairytales.png)
ചാവക്കാട് : ബ്ലാങ്ങാട് ബീച്ച് ജംഗ്ഷൻ മുതൽ ബേബി റോഡ് എ സി പ്പടി വരെ നടക്കുന്ന റോഡ് റീ ടാറിങ് പ്രവർത്തികളുടെ ഭാഗമായി ഈ വഴിയുള്ള ഗതാഗതത്തിൽ നിയന്ത്രണം ഏർപ്പെടുത്തി.
ബ്ലാങ്ങാട് ബീച്ച് മുതൽ ബേബി റോഡ് കിണർ സെന്റർ വരെ ഇന്ന് (21-12-22 ബുധൻ ) ഗതാഗതം പൂർണ്ണമായും നിരോധിച്ചു. വൈകുന്നേരം സരസ്വതി എൽ പി സ്കൂൾ വരെയുള്ള ഗതാഗതവും മുടങ്ങും.
![Mss conference ad poster](https://chavakkadonline.com/wp/wp-content/uploads/2024/07/Mss-conference-.png)
നാളെ മുതൽ ബ്ലാങ്ങാട് ബീച്ച് മുതൽ ബേബി റോഡ് കിണർ വരെയുള്ള റോഡ് ഗതാഗതയോഗ്യമാകും. സരസ്വതി എൽ പി സ്കൂൾ മുതൽ പുത്തൻകടപ്പുറം സെന്റർ വരെയുള്ള ഗതാഗതം പൂർണ്ണമായും തടയും. ഈ ഭാഗങ്ങളിൽ രണ്ടു ദിവസത്തെ പണിയുണ്ടാകും. തുടർന്നുള്ള ദിവസങ്ങളിലായി പുത്തൻകടപ്പുറം മുതൽ എ സി പ്പടി വരെയുള്ള റോഡ് പണി പൂർത്തീകരിക്കുമെന്ന് റോഡ് പ്രവർത്തി വിഭാഗത്തിലെ ഉത്തരവാദിത്വപ്പെട്ടവർ അറിയിച്ചു. ക്രിസ്തുമസിന് മുൻപേ പണി തീർക്കാനുള്ള ഉദ്ദേശത്തോടെയാണ് പ്രവർത്തികൾ മുന്നോട്ടു പോവുന്നത്.
എം എൽ എ ഫണ്ട് ഉപയോഗിച്ചാണ് രണ്ടേകാൽ കോടിയോളം ചിലവ് വരുന്ന റോഡ് പണി നടക്കുന്നത്. ബേബി റോഡിന്റെ എ സി പ്പടിമുതൽ തെക്കേ മദ്രസ്സ വരെയുള്ള ഭാഗത്തെ റീ ടാറിങ് പ്രവർത്തികൾ അടുത്ത ഘട്ടത്തിലായിരിക്കും നടക്കുക.
![planet fashion](https://chavakkadonline.com/wp/wp-content/uploads/2024/05/planet-fashion.png)
Comments are closed.