ഗുരുവായൂർ അഷ്ടപദി സംഗീതോത്സവം: ഭക്തിയും സംഗീതവും ചർച്ച ചെയ്ത് സെമിനാർ

ഗുരുവായൂർ : ഗുരുവായൂർ ദേവസ്വം അഷ്ടപദി സംഗീതോത്സവത്തിൻ്റെ പ്രാരംഭമായി അഷ്ടപദി സെമിനാർ നടത്തി. നാരായണീയം ഹാളിൽ നടന്ന സെമിനാർ ദേവസ്വം ചെയർമാൻ എ.വി.ഗോപിനാഥ് ഉദ്ഘാടനം ചെയ്തു..ശ്രീശങ്കരാചാര്യ സംസ്കൃത സർവ്വകലാശാല തിരൂർ പ്രാദേശിക കേന്ദ്രത്തിലെ അസോ. പ്രൊഫസർഡോ.സി.കെ. ജയന്തി ,. പ്രേമഭക്തിയും ഗീതി കാവ്യപ്രസ്ഥാനവും എന്ന വിഷയത്തിൽ പ്രബന്ധം അവതരിപ്പിച്ചു.തുടർന്ന് സോപാന സംഗീത കലാകാരൻ ശ്രീ. ഞെരളത്ത് ശ്രീരാമദാസ് ഗീതഗോവിന്ദത്തിലെ രാഗതാള സങ്കല്പനങ്ങൾ എന്ന വിഷയം അവതരിപ്പിച്ചു. ദേവസ്വം വൈദിക-സാംസ്കാരിക പഠനകേന്ദ്രം ഡയറക്ടർ ഡോ.പി.നാരായണൻ നമ്പൂതിരി സെമിനാറിൽ മോഡറേറ്ററായി. സെമിനാറിൽ പങ്കെടുത്തവർക്ക് ചടങ്ങിൽ സർട്ടിഫിക്കറ്റ് നൽകി. പ്രസിദ്ധീകരണ വിഭാഗം അസി.മാനേജർ കെ.ജി.സുരേഷ് കുമാർ സെമിനാറിൽ നന്ദി രേഖപ്പെടുത്തി.