വിദ്യാഭ്യാസ അവാർഡ് വിതരണം നടത്തി

​എടക്കഴിയൂർ : കേരള വ്യാപാരി വ്യവസായി ഏകോപന സമിതി എടക്കഴിയൂർ യൂണിറ്റിന്റെ ആഭിമുഖ്യത്തിൽ എസ്.എസ്.എൽ.സി, പ്ലസ് ടു പരീക്ഷകളിൽ ഉന്നതവിജയം നേടിയ വ്യാപാരികളുടെയും തൊഴിലാളികളുടെയും മക്കൾക്ക് വിദ്യാഭ്യാസ അവാർഡുകൾ വിതരണം ചെയ്തു. ഇന്ത്യ ബുക്ക് ഓഫ് റെക്കോർഡ്സിൽ ഇടംനേടിയ അയ്മൻ ഷെസിനെ ചടങ്ങിൽ അനുമോദിച്ചു.

​എടക്കഴിയൂർ വ്യാപാര ഭവനിൽ നടന്ന ചടങ്ങ് ചാവക്കാട് എസ്.എച്ച്.ഒ രാജീവ് എൻ.എസ് ഉദ്ഘാടനം ചെയ്തു. യുവതലമുറയെ നാശത്തിലേക്ക് നയിക്കുന്ന ലഹരിയിൽ നിന്ന് വിദ്യാർത്ഥിസമൂഹം പൂർണ്ണമായും പിന്മാറണമെന്ന് അദ്ദേഹം ഉദ്ഘാടന പ്രസംഗത്തിൽ പറഞ്ഞു.

​യൂണിറ്റ് പ്രസിഡന്റ് സി.ഐ. ജോർജ് ചടങ്ങിൽ അധ്യക്ഷത വഹിച്ചു. പി.സി. ഹൈദ്രോസ്, മുജീബ് റഹ്മാൻ പുളിക്കുന്നത്ത്, വനിതാ വിംഗ് പ്രസിഡന്റ് സുലൈഖ എന്നിവർ സംസാരിച്ചു. യൂണിറ്റ് സെക്രട്ടറി ആർ.വി. ബഷീർ സ്വാഗതവും ട്രഷറർ പി.എൽ. ജോസഫ് നന്ദിയും പറഞ്ഞു