ലോഗോ പ്രകാശനം നവംബർ മൂന്നിന് – ഉപജില്ലാ കലോത്സവ ലോഗോ മത്സരം സൃഷ്ടികൾ സമർപ്പിക്കാൻ ഇനി നാലു ദിവസം മാത്രം

വടക്കേക്കാട്: നവംബർ 15 മുതൽ 18 വരെ വടക്കേക്കാട് ഐ സി എ ഇംഗ്ലീഷ് ഹയർസെക്കന്ററി സ്കൂളിൽ വെച്ച് നടക്കുന്ന ചാവക്കാട് ഉപജില്ല സ്കൂൾ കലോത്സവത്തിന്റെ ലോഗോ പ്രകാശനം നവംബർ മൂന്നിന് എൻ കെ അക്ബർ എം എൽ എ നിർവഹിക്കുമെന്ന് പബ്ലിസിറ്റി കൺവീനർ ഹസീന കാനം അറിയിച്ചു. വടക്കേകാട് ഐ സി എ സ്കൂളിൽ വെച്ച് നവംബർ മൂന്നിന് രാവിലെ പത്തുമണിക്ക് ലോഗോ പ്രകാശനം നടക്കും. ശേഷം മീഡിയാ റൂം ഉദ്ഘാടനവും ഉണ്ടാകും. 

ലോഗോ മത്സരത്തിൽ സൃഷ്ടികൾ സമർപ്പിക്കാൻ ഇനി നാല് നാൾ മാത്രം. ചാവക്കാട് ഉപജില്ലയിലെ സ്കൂൾ വിദ്യാർത്ഥികൾക്കിടയിലാണ് മത്സരം സംഘടിപ്പിക്കുന്നത്.  എ ഫോർ സൈസിൽ കളറിലോ, ബ്ലാക്ക് ആൻഡ് വൈറ്റിലോ തയ്യാറാക്കുന്ന ലോഗോ 31/10/23 (ചൊവ്വാഴ്ച) വൈകുന്നേരം 5 pm നുള്ളിൽ ഐ സി എ സ്കൂളൽ എത്തിക്കണം.

തൈക്കാട്‌ അപ്പുമാഷ്‌ മെമ്മോറിയല്‍ സ്കൂള്‍ പ്ലസ്‌ വൺ വിദ്യാര്‍ത്ഥി  ടി വി ഐശ്വര്യയായിരുന്നു കഴിഞ്ഞ വർഷത്തെ (2022ലെ) ചാവക്കാട്‌ ഉപജില്ലാ സ്കൂള്‍ കലോത്സവ ലോഗോ നിർമ്മാണ മത്സര വിജയി.