mehandi new

ബിരിയാണിയിൽ മുട്ടയും പപ്പടവുമില്ല – തളിക്കുളത്ത് ഹോട്ടൽ തകർത്തു ജീവനക്കാരെ മർദ്ദിച്ചു

fairy tale

തളിക്കുളം: ബിരിയാണിയോടൊപ്പം മുട്ടയും പപ്പടവും ലഭിച്ചില്ലെന്നു പറഞ്ഞു ഹോട്ടൽ ആക്രമിക്കുകയും   ജീവനക്കാരെ മർദ്ദിക്കുകയും ചെയ്തതായി പരാതി. പത്താം കല്ലിൽ പ്രവർത്തിക്കുന്ന സ്നേഹതീരം ഹോട്ടലിൽ ബിരിയാണി കഴിക്കാൻ എത്തിയ രണ്ട് അംഗ സംഘമാണ് ആക്രമണം നടത്തിയതെന്ന് ഉടമ സുജീവ് പറഞ്ഞു. ‘ബിരിയാണി ഓർഡർ ചെയ്ത ഇവർ ബിരിയാണിയോടൊപ്പം പപ്പടവും മുട്ടയും ലഭിച്ചില്ലെന്ന് പറഞ്ഞ് കടയിലെ വസ്തുക്കൾ എറിഞ്ഞുടക്കുകയും ജീവനക്കാരെ മർദ്ദിക്കുകയും അസഭ്യം പറയുകയും കട കത്തിക്കുമെന്ന് ഭീഷണിപ്പെടുത്തുകയും ചെയ്യുകയായിരുന്നു. ഉടമയുടെ പരാതിയിൽ വാടാനപ്പള്ളി പോലീസ് കേസെടുത്തു.

planet fashion

സംഭവത്തിൽ കേരള ഹോട്ടൽ ആൻഡ് റസ്‌റ്റോറൻ്റ് അസോസിയേഷൻ തൃപ്രയാർ യൂണിറ്റ് പ്രതിഷേധിച്ചു. കുറ്റവാളികളെ ഉടൻ തന്നെ അറസ്റ്റ് ചെയ്യണമെന്ന്  യോഗം ആവശ്യപ്പെട്ടു. പ്രസിഡൻറ് ആർ. എ. മുഹമ്മദ്, സെക്രട്ടറി അക്ഷയ് കൃഷ്ണ, ട്രഷറർ റഹ്മത്ത് ബാബു, വർക്കിംങ്ങ് പ്രസിഡൻ്റ് അഷ്റഫ്, ജോ. സെക്രട്ടറിമാരായ ജാവീദ്, ബഷീർ എന്നിവർ സംസാരിച്ചു. ചായയിൽ മധുരമില്ലെന്ന് പറഞ്ഞ് ഏതനും ദിവസം മുൻപ് അഞ്ച് അംഗസംഘം മറ്റൊരു ഹോട്ടലിൽ അക്രമം കാണിച്ചിരുന്നു.

അന്താരാഷ്ട്ര നിലവാരത്തിലുള്ള സുഗന്ധദ്രവ്യങ്ങൾ കുറഞ്ഞ വിലയിൽ ലഭിക്കാൻ ഇപ്പൊൾ തന്നെ ബന്ധപ്പെടുക. ഓർഡർ നിങ്ങൾക്ക് വാട്സാപ്പിലോ 91 799 4987 599 അല്ലെങ്കിൽ ഈ വെബ്സൈറ്റ് ലിങ്കിലോ ചെയ്യാവുന്നതാണ് www.leparfum.in/leonara/shop/

Comments are closed.