കടപ്പുറം കടൽക്ഷോഭ മേഖലയിൽ ഗുരുവായൂർ ഫയർഫോഴ്സിന്റെ കരുതൽ

കടപ്പുറം : കടൽക്ഷോഭം മൂലം വെള്ളം കയറിയ കടപ്പുറം പഞ്ചായത്തിലെ അഞ്ചങ്ങാടി വെളിച്ചെണ്ണ പടി, തൊട്ടാപ്പ് സുനാമി കോളനി എന്നിവിടങ്ങളിൽ ഗുരുവായൂർ ഫയർഫോഴ്സിന്റെ കരുതൽ.

ഫയർഫോഴ്സും സിവിൽ ഡിഫൻസും ചേർന്ന് പ്രദേശത്തെ വെള്ളക്കെട്ടിനു അയവു വരുത്താൻ വെള്ളം പുറത്തേക്ക് ഒഴുക്കിക്കളയാനുള്ള പ്രവൃത്തികളിൽ ഏർപ്പെട്ടു.

രാവിലെ 8 മണി മുതൽ ഉച്ചയ്ക്ക് 2 മണി വരെ തുടർച്ചയായി മോട്ടർ അടിച്ചു വെള്ളം പുറത്തേക്കൊഴുക്കി. വീടുകളിൽ നിന്നും വെള്ളവും ചളിയും കോരിക്കളയാനും സഹായികളായി വർത്തിച്ചു.

ഗുരുവായൂർ ഫയർ സ്റ്റേഷൻ എഎസ്ടിഒ രാജുവിന്റെ നേതൃത്വത്തിലാണ് ശുചീകരണ പ്രവർത്തനങ്ങൾ നടത്തിയത്. എഫ് ആർ ഒ മാരായ എസ് സൂരജ്, ഇ ആർ അനുരാജ്, എഫ് ആർ ഒ (ഡി) എ ആർ അഖിൽ രാജ്, സിവിൽ ഡിഫൻസ് അംഗങ്ങളായ സുഹൈൽ ബഷീർ, ഹനീഫ, പ്രബീഷ്, കെഎസ് ശ്രുതി, നിഷാദ്, ഫഹദ്, ഷെഫീർ, അജ്മൽ, റയീസ് എന്നിവർ ഉദ്യമത്തിൽ പങ്കാളികളായി.

കടപ്പുറം പഞ്ചായത്തിലെ അപകടകരമായ നിലയിൽ കണ്ടെത്തിയ മരങ്ങളും ഇവർ മുറിച്ചു മാറ്റി.