ചാവക്കാട് നിയന്ത്രണം വിട്ട കാറിടിച്ച് വിദ്യാർത്ഥിക്ക് പരിക്ക്; മതിൽ തകർന്നു

ചാവക്കാട് : ബ്ലാങ്ങാട് ബീച്ച് സിദ്ധിക്ക് പള്ളിക്ക് സമീപം നിയന്ത്രണം വിട്ട കാറിടിച്ച് കാൽനടയായി പോകുകയായിരുന്ന വിദ്യാർത്ഥിക്ക് പരിക്കേറ്റു. ഏഴാം ക്ലാസ് വിദ്യാർത്ഥി ബേബി റോഡ് പുഴങ്ങര ഇല്ലാത്ത് ബാദുഷ മകൻ സാബിത്ത് (12)നാണ് പരിക്കേറ്റത്. വൈകീട്ട് 6 മണിയോടെയാണ് അപകടം.

കടയിൽ സാധങ്ങൾ വാങ്ങിക്കാൻ എത്തിയ സാബിത്തിനെ ഇതുവഴി വന്ന കാർ ഇടിച്ചു തെറിപ്പിച്ച് മതിലിലേക്ക് ഇടിച്ച് കയറുകയായിരുന്നു. അപകടത്തിൽ മതിൽ തകർന്നു. പരിക്കേറ്റ സാബിത്തിനെ ചാവക്കാട്ടെ സ്വകാര്യാശുപത്രിയിൽ പ്രവേശിപ്പിച്ചു.