ഗുരുവായൂർ ക്ഷേത്രത്തിൽ ഉത്രാട കാഴ്ചക്കുല സമർപ്പണം ഭക്തിസാന്ദ്രം

നിങ്ങളുടെ കുട്ടിയുടെ അഡ്മിഷൻ ഉടൻ തന്നെ ഉറപ്പാക്കാൻ click here For more details call or WhatsApp – +919745223340   +919946054450

ഗുരുവായൂർ : ഗുരുവായൂർ ക്ഷേത്രത്തിൽ ഭാഗവാന് ഉത്രാട കാഴ്ചക്കുല സമർപ്പിച്ചു. നൂറുകണക്കിന് ഭക്തർ കാഴ്ചക്കുലകളുമായി ക്ഷേത്രത്തിൽ എത്തി. രാവിലെ ശീവേലിക്ക് ശേഷം അരിമാവണിഞ്ഞ നാക്കില വശത്തിന് മുകളിൽ മേൽ ശാന്തി തിയന്നൂർ കൃഷ്ണ ചന്ദ്രൻ നമ്പൂതിരി ലക്ഷണമൊത്ത നേന്ത്രക്കുല പട്ടിൽ പൊതിഞ്ഞു ഭഗവാന് സമർപ്പിച്ചു.

ക്ഷേത്രം ഊരാളാൻ മല്ലിശേരി പരമേശ്വരൻ നമ്പൂതിരിപ്പാട്, ദേവസ്വം ചെയർമാൻ ഡോ. വി കെ വിജയൻ, ഭരണസമിതി അംഗങ്ങൾ, കീഴ്ശാന്തിമാർ എന്നിവർ കാഴ്ചക്കുല സമർപ്പിച്ചു. പിന്നീട് ഭക്തർ കാഴ്ചക്കുല സമർപ്പിച്ചു.

ശീവേലിക്ക് മുൻപ് നാലമ്പത്തിൽ അശുദ്ധി കണ്ടതിനെ തുടർന്ന് പുണ്യാഹം വേണ്ടി വന്നതിനാൽ ഒരു മണിക്കൂർ ഭക്തർക്ക് കാത്ത് നിൽക്കേണ്ടി വന്നു. രാത്രി അത്താഴ പൂജ കഴിഞ്ഞു നട അടക്കുന്നത് വരെ കാഴ്ചക്കുല സമർപ്പണം തുടരും.