മണത്തല സൗത്ത് മരണാനന്തര സഹായ  സമിതി ഉന്നത വിജയം നേടിയ വിദ്യാർത്ഥികളെ ആദരിച്ചു

ചാവക്കാട് : മണത്തല സൗത്ത് മരണാനന്തര സഹായ സമിതി 43 ാം വാർഷിക പൊതുയോഗം  എൻ വിദ്യാസാഗരൻ സ്മാരക വിദ്യാഭ്യാസ അവാർഡ് ദാനവും സമിതി പ്രസിഡന്റ്‌ എം ജി ജയരാജ്‌ ഉൽഘടനം ചെയ്തു.  വൈസ് പ്രസിഡന്റ്‌ പി എം മനോജ്  അധ്യക്ഷത വഹിച്ചു. മുതിർന്ന അംഗങ്ങളായ കരുമത്തിൽ സുധാകരൻ, സുബ്രഹ്മണ്യൻ കണ്ടരശ്ശേരി, വിശ്വംബരൻ അരീക്കര, കുഞ്ഞിമോൻ, കാർത്യായനി എന്നിവർ ചേർന്ന് ഭദ്ര ദീപം കൊളുത്തി.    ഉന്നത വിജയം നേടിയ വിദ്യാർത്ഥികൾക്കുള്ള വിദ്യാസാഗരൻ സ്മാരക വിദ്യാഭ്യാസ അവാർഡ് ദാനം മധു നെടിയെടത്ത്, സ്മിത വി ചന്ദ്രൻ, ഡോ. ജിഷ ജയരാജ്‌, വിനീത മനോജ്‌, ലീന ദിനേശൻ എന്നിവർ ചേർന്ന് നിർവഹിച്ചു. സെക്രട്ടറി ഈ സി രാജേഷ് റിപ്പോർട്ടും ട്രഷറർ കെ കെ സുരേഷ് വരവ് ചിലവ് കണക്കുകളും അവതരിപ്പിച്ചു. രാജൻ കുറുമ്പൂർ, ശൈലജ രവീന്ദ്രൻ, ഷാജി നരിയംപുള്ളി, ഗിരീഷ് മുള്ളത്ത് എന്നിവർ സംസാരിച്ചു.