അണ്ടത്തോട് വാർഡിൽ സ്ഥാനാർത്ഥികളിൽ സൗഹൃദത്തിന്റെ മനോഹര കാഴ്ച

പുന്നയൂർക്കുളം: പുന്നയൂർക്കുളം പഞ്ചായത്ത് വാർഡ് 20 – ലെ തിരഞ്ഞെടുപ്പ് പോരാട്ടം ശക്തിപ്രാപിക്കുന്ന സാഹചര്യത്തിലും സൗഹൃദത്തിന്റെ ചൂടൊഴിഞ്ഞില്ല. ശക്തമായ മത്സരത്തിനിടയിലും നാല് സ്ഥാനാർത്ഥികളും ഒരുമിച്ച് ഒരു ഫ്രെയിമിൽ എത്തി സൗഹാർദ്ദത്തിന്റെ ഊഷ്മളത പുതുക്കി. തിരഞ്ഞെടുപ്പ് പോരാട്ടം എത്ര കടുത്തതാണെങ്കിലും പ്രദേശത്തിന്റെ സാമൂഹിക ഐക്യവും സൗഹൃദവുമാണ് ഈ ദൃശ്യത്തിലൂടെ കാണാൻ കഴിയുന്നത്.

ഇടത്തുനിന്ന് അനീഷാ ഷാഹു- (എൽഡിഎഫ്), ലത്തീഷ (സ്വതന്ത്ര-കോൺഗ്രസ്-റിബൽ), തെങ്ങിൽ താഹിറ (വെൽഫെയർ), സമീറ സക്കരിയ (യുഡിഎഫ്)