നാടിന് തിളക്കമായി എടക്കഴിയൂരിലെ കുഞ്ഞുപ്രതിഭ; മൂന്നര വയസ്സിൽ ഇന്ത്യ ബുക്ക് ഓഫ് റെക്കോർഡ്സ് നേടി ഐമൻ ഷെസിൻ

​ചാവക്കാട് : പ്രായത്തെ വെല്ലുന്ന ഓർമ്മശക്തിയും വിജ്ഞാനവും കൊണ്ട് ചരിത്രത്താളുകളിൽ ഇടംനേടി മൂന്നര വയസ്സുകാരൻ ഐമൻ ഷെസിൻ പി.സി. കേവലം 3 വയസ്സും 5 മാസവും മാത്രം പ്രായമുള്ളപ്പോൾ തന്നെ ഇന്ത്യ ബുക്ക് ഓഫ് റെക്കോർഡ്സ് (IBR) സ്വന്തമാക്കിയാണ് ഈ കുരുന്ന് നാടിന് മുഴുവൻ അഭിമാനമായി മാറിയത്.

​കേരളത്തിലെ 14 ജില്ലകളുടെ പേരുകൾ, പ്രമുഖ ദേശീയ നേതാക്കളുടെ പേരുകൾ എന്നിവ തെറ്റുകൂടാതെയും പെട്ടെന്നും ഓർത്തെടുത്ത് പറയുന്നതിലൂടെയാണ് ഐമൻ ഈ അപൂർവ്വ നേട്ടം കൈവരിച്ചത്. കൂടാതെ ഇംഗ്ലീഷ് അക്ഷരമാല, എണ്ണൽ സംഖ്യകൾ, അടിസ്ഥാന പൊതുവിജ്ഞാന ചോദ്യങ്ങൾക്കുള്ള ഉത്തരങ്ങൾ, ലളിതമായ ഗണിത സമസ്യകൾ എന്നിവയും ഈ പ്രായത്തിൽ തന്നെ ഐമന് മനോഹരമായി കൈകാര്യം ചെയ്യാൻ സാധിക്കുന്നുണ്ട്.

​വിവിധതരം നിറങ്ങൾ, വാഹനങ്ങൾ, പച്ചക്കറികൾ, പഴങ്ങൾ, മൃഗങ്ങൾ എന്നിവ എളുപ്പത്തിൽ തിരിച്ചറിയുന്നതിനൊപ്പം ഒരു വർഷത്തിലെ 12 മാസങ്ങളുടെയും ആഴ്ചയിലെ 7 ദിവസങ്ങളുടെയും പേരുകൾ കൃത്യതയോടെയും വേഗത്തിലും ഈ മിടുക്കൻ ഓർത്തെടുത്ത് പറയുന്നു. എടക്കഴിയൂർ ആർ.പി. കിഡ്‌സ് & ആർപീസ് ജൂനിയർ സ്കൂളിലെ വിദ്യാർത്ഥിയാണ് ഈ കുഞ്ഞു പ്രതിഭ.

​എടക്കഴിയൂർ പണിക്കവീട്ടിൽ ചാലിൽ മുഹമ്മദ് ഷാഫി, പി വി റിഷാന റഫ്നത്ത് ദമ്പതികളുടെ മകനാണ് ഐമൻ ഷെസിൻ.