ചൂടിന് ആശ്വാസമേകി വട്ടേക്കാട് സിപിഎമ്മിന്റെ തണ്ണീർ പന്തൽ

ചാവക്കാട്: കഠിനമായ വേനൽച്ചൂടിൽ പൊതുജനങ്ങൾക്ക് ആശ്വാസമേകാൻ സിപിഎം സംസ്ഥാന നേതൃത്വത്തിന്റെ ആഹ്വാനപ്രകാരം വട്ടേക്കാട് ബ്രാഞ്ച് കമ്മിറ്റിയുടെ നേതൃത്വത്തിൽ തണ്ണീർ പന്തൽ ഒരുക്കി. ​എൽ.സി സെക്രട്ടറി ലത്തീഫ്, വട്ടേക്കാട് ജുമാത്ത് കമ്മിറ്റി പ്രസിഡന്റ് ആർ.കെ ജമാലിന് സംഭാരം നൽകിക്കൊണ്ട് ഉദ്ഘാടനം നിർവഹിച്ചു. വട്ടേക്കാട് ബ്രാഞ്ച് സെക്രട്ടറി അറക്കൽ ഹംസ സ്വാഗതം ആശംസിച്ചു.​കടപ്പുറം എൽ.സി പ്രതിനിധികളായ മെഹ്‌റൂഫ്, മുസ്തഫ എന്നിവർ ചടങ്ങിൽ സംബന്ധിച്ചു. വിവിധ രാഷ്ട്രീയ-സാമൂഹിക രംഗത്തെ പ്രമുഖരും നാട്ടുകാരും പങ്കെടുത്തു. ചുട്ടുപൊള്ളുന്ന വേനലിൽ യാത്രക്കാർക്കും പൊതുജനങ്ങൾക്കും ഉപകാരപ്രദമാകുന്ന രീതിയിലാണ് തണ്ണീർ പന്തൽ ഒരുക്കിയിട്ടുള്ളത്.