ഭൂചലനം ഉത്ഭവസ്ഥാനം പാവറട്ടി വെന്മേനാട് – തീവ്രത റിക്ടർ സ്കെയിലിൽ 3 രേഖപ്പെടുത്തി

ചാവക്കാട്: പാവറട്ടി, കുന്നംകുളം, വേലൂർ, മുണ്ടൂർ ഭാഗങ്ങളിലാണ് ഭൂചലനം അനുഭവപ്പെട്ടത്. ഇന്ന് രാവിലെ 08.15നായിരുന്നു സംഭവം. ഭൂചലനത്തിന്റെ  തീവ്രത റിക്ടർ സ്കെയിലിൽ 3 രേഖപ്പെടുത്തി. കുന്നംകുളം, വേലൂർ, മുണ്ടൂർ ഭാഗങ്ങളിൽ വലിയ ശബദത്തോടെ മൂന്ന് മുതൽ നാല് വരെ സെക്കന്റ് സമയം നീണ്ടു നിൽക്കുന്ന പ്രകമ്പനമാണ് അനുഭവപ്പെട്ടത്. കുന്നംകുളം ചീരകുളം സ്വദേശി പ്രകാശിന്റെ വീടിനും കൂനംമൂച്ചിയിൽ അന്തിക്കാട്ട് വീട്ടിൽ ടോമിയുടെ വീടിന്റെ ഭിത്തിയിലും തറയിലും വിള്ളൽ ഉണ്ടായിട്ടുണ്ട്.  ജില്ലാ ഭരണകുടം അന്വേഷണം തുടങ്ങി.