ചാവക്കാട് ബീച്ചിൽ ഒലീവ് റിഡ്ലി കടലാമ ചത്തടിഞ്ഞു

ചാവക്കാട് : ചാവക്കാട് ബീച്ചിൽ കടലാമ ചത്തടിഞ്ഞു. ഒലീവ് റിഡ്ലി വിഭാഗത്തിൽപെട്ട കടലാമയാണ് ചത്തടിഞ്ഞത്. മത്സ്യ ബന്ധന ബോട്ടുകളുടെ പ്രൊപ്പല്ലറുകളിൽ കുടുങ്ങിയും, കണവ പിടുത്തക്കാർ, മീൻ പിടുത്തക്കാർ എന്നിവർ ഉപേക്ഷിക്കുന്ന വല കഷ്ണങ്ങളിൽ കുടുങ്ങിയും വലിയ വലകളിൽ കുടുങ്ങി മണിക്കൂറുകളോളം വെള്ളത്തിനടിയിൽ കിടക്കുന്നതും ഇവയുടെ മരണത്തിനു കാരണമാകുന്നുണ്ട്.

കടൽ ആവാസ വ്യവസ്ഥയുടെ സന്തുലിതാവസ്ഥ നിലനിർത്തുന്നതിൽ മുഖ്യപങ്ക് നിർവഹിക്കുന്നത് കടലാമകളാണ്. മീൻ മുട്ടകൾ തിന്നുന്ന ജെല്ലി ഫിഷ് ( കടൽ ചൊറി ), മതസ്യ സാമ്പത്തിന്റെ നാശത്തിന് കാരണമാകുന്ന വിഷ മത്സ്യങ്ങൾ, കൂണുകൾ എന്നിവ കടലാമകൾ ഭക്ഷിക്കുന്നതിനാൽ അവയുടെ ക്രമാതീതമായ വർദ്ധനവ് തടയാനും മത്സ്യ സമ്പത്ത് നിലനിർത്താനും സാധിക്കും.