ചാവക്കാട് നഗരസഭയിൽ ആർ ആർ ടി വളണ്ടിയർമാരെ നിയമിച്ചതിലും രാഷ്ട്രീയം

ചാവക്കാട്: നഗരസഭയിൽ ആർ ആർ ടി വളണ്ടിയർമാരെ നിയമിച്ചതിൽ ഭരണപക്ഷം രാഷ്ട്രീയം കളിക്കുന്നതായി യു ഡി എഫ് കൗൺസിലർമാർ ജില്ലാ കലക്ടർക്ക് പരാതി നൽകി.

നിലവിൽ യു ഡി എഫ് കൗൺസിലർമാർ ഉള്ള ഒൻപത് വർഡുകളിൽ മാത്രമാണ് രാഷ്ട്രീയമില്ലാതെ പൊതുപ്രവർത്തകരെയെല്ലാം ഉൾപ്പെടുത്തി ആർ ആർ ടി വളണ്ടിയൻമാരെ നിയമിച്ചതെന്നും മറ്റു മുഴുവൻ വാർഡുകളിലും സി.പി.എം പാർട്ടി പ്രവർത്തകർ മാത്രമാണ് ആർ ആർ ടിയിലുള്ളതെന്നുമാണ് ആരോപണം. ഇത് തികച്ചും ഏകാധിപത്യ നടപടിയാണെന്ന് കാണിച്ചാണ് പ്രതിപക്ഷ നേതാവ് കെ വി സത്താറിൻ്റെ നേതൃത്വത്തിൽ യു ഡി എഫ് കൗൺസിലർമാർ കളക്ടർക്ക് പരാതി നൽകിയത്.

കഴിഞ്ഞ ദിവസം പതിമൂന്നാം വാർഡിൽ സമാന വിഷയം ഉന്നയിച്ച് ചാവക്കാട് മണ്ഡലം കോൺഗ്രസ്‌ കമ്മിറ്റി വൈസ് പ്രസിഡന്റ്‌ അനീഷ്‌ പാലയൂർ ഉൾപ്പെടെ വാർഡിലെ നിരവധി പേർ ജില്ലാ കലക്ടർക്ക് മെയിൽ അയച്ചിരുന്നു.

അന്താരാഷ്ട്ര നിലവാരത്തിലുള്ള സുഗന്ധദ്രവ്യങ്ങൾ കുറഞ്ഞ വിലയിൽ ലഭിക്കാൻ ഇപ്പൊൾ തന്നെ ബന്ധപ്പെടുക. ഓർഡർ നിങ്ങൾക്ക് വാട്സാപ്പിലോ 91 799 4987 599 അല്ലെങ്കിൽ ഈ വെബ്സൈറ്റ് ലിങ്കിലോ ചെയ്യാവുന്നതാണ് www.leparfum.in/leonara/shop/