പുന്നയുർ വിക്ടറി കലാ കായിക വേദി എസ് എസ് എൽ സി, പ്ലസ്ടു വിജയികളെ ആദരിച്ചു

പുന്നയൂർ : എസ് എസ് എൽ സി, പ്ലസ്ടു വിജയികളെ പുന്നയുർ വിക്ടറി കലാ കായിക വേദി ആദരിച്ചു. വടക്കേകാട് സി ഐ സുരേന്ദ്രൻ ഉദ്‌ഘാടനം നിർവ്വഹിച്ചു.

പ്ലസ്ടുവിൽ ഉന്നത വിജയം കൈ വരിച്ച ഷമൽ, സഫ്‌വാന എന്നിവർക്കും പത്താം ക്ലാസ്സിൽ മുഴുവൻ വിഷയത്തിനും എ പ്ലസ് നേടി നാടിന് അഭിമാനമായി മാറിയ മുഹമ്മദ് സിനാനും വടക്കേകാട് സി ഐ ഉപഹാരം നൽകി.

തുടർന്ന് നടന്ന ചടങ്ങിൽ. മേഖലയിലെ വിജയികളായ എല്ലാ വിദ്യാർത്ഥികളേയും വിക്ടറി ക്ലബ്ബ്‌ അനുമോദിച്ചു.

ക്ലബ്ബ് പ്രസിഡന്റ് നജീബ് അദ്ധ്യക്ഷത വഹിച്ചു. ട്രഷറർ ഫർഹാൻ, ഷാഹുൽ ഹമീദ് എന്നിവർ സംസാരിച്ചു.

5, 6 വാർഡ് മെമ്പർമാരായ മുനാശ് മച്ചിങ്ങൽ, സുഹറ ബക്കർ, മുൻ മെമ്പർ ജയന്തി ബാലൻ, കെ സി കമറുദ്ധീൻ, ഫാത്തിമ്മ തറയിൽ, കരീം, ബാലൻ താണിശ്ശേരി, ഉമ്മർ കൂരിയാട്ടയിൽ, രാജൻ, ഉമ്മർ കടയിൽ എന്നിവർ സന്നിഹിതരായി.