തിരുവത്ര കുഞ്ചേരി സ്കൂളിന്റെ പുതിയ കെട്ടിടത്തിന് തറക്കല്ലിട്ടു

ചാവക്കാട് :  നഗരസഭയിലെ തിരുവത്ര ജി.എം.എൽ.പി കുഞ്ചേരി സ്കൂളിന് പുതിയ കെട്ടിടം യാഥാർത്ഥ്യമാകുന്നു. കിഫ്ബി പദ്ധതിയിൽ ഉൾപ്പെടുത്തി 1 കോടി 30 ലക്ഷം രൂപ ചെലവഴിച്ച് കില നിർമ്മിക്കുന്ന കെട്ടിടത്തിൻ്റെ നിർമ്മാണോദ്ഘാടനം ഗുരുവായൂർ എം.എൽ.എ എൻ.കെ. അക്ബർ നിർവ്വഹിച്ചു. 

ചടങ്ങിൽ നഗരസഭ ചെയർപേഴ്സൺ  ഷീജ പ്രശാന്ത് അധ്യക്ഷത വഹിച്ചു. നഗരസഭ വൈസ് ചെയർമാൻ ശ്രീ കെ.കെ. മുബാറക് സ്വാഗതം ആശംസിച്ചു. നഗരസഭ അസിസ്റ്റൻ്റ് എഞ്ചിനീയർ ടോണി സി.എൽ. റിപ്പോർട്ട് അവതരിപ്പിച്ചു. പൊതുമരാമത്ത് സ്റ്റാൻഡിങ് കമ്മിറ്റി ചെയർമാനും 4-ാo വാർഡ് കൗൺസിലറുമായ അഡ്വ. മുഹമ്മദ് അൻവർ എ.വി, വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഷാഹിന സലീം, ആരോഗ്യകാര്യ സ്റ്റാൻഡിങ് കമ്മിറ്റി ചെയർപേഴ്സൺ ബുഷറ ലത്തീഫ്, വിദ്യാഭ്യാസകാര്യ സ്റ്റാൻഡിങ് കമ്മിറ്റി ചെയർപേഴ്സൺ പ്രസന്ന രണദിവെ, മുൻ ചെയർമാൻ എം.ആർ. രാധാകൃഷ്ണൻ തുടങ്ങിയവർ ആശംസകൾ നേർന്നു. ജി.എം.എൽ.പി സ്കൂൾ പ്രധാനാധ്യാപിക   ബേബി നന്ദി രേഖപ്പെടുത്തി.

ജനപ്രതിനിധികൾ, കില ഉദ്യോഗസ്ഥർ, പി.ടി.എ അംഗങ്ങൾ, ഒ.എസ്.എ അംഗങ്ങൾ, വിദ്യാർത്ഥികൾ, രക്ഷിതാക്കൾ, അധ്യാപകർ, പ്രദേശവാസികൾ തുടങ്ങി നിരവധി പേർ ചടങ്ങിൽ പങ്കെടുത്തു.