ഗുരുവായൂരിൽ ബൈക്കുകൾ കൂട്ടിയിടിച്ച് യുവാവ് മരിച്ചു

for more details click here

ഗുരുവായൂർ : ഗുരുവായൂർ മാവിൻചുവട് ബൈക്കുകൾ കൂട്ടിയിടിച്ചുണ്ടായ അപകടത്തിൽ ഒരാൾ മരിച്ചു. രണ്ടു പേർ ചികിത്സയിൽ. ചൂണ്ടൽ ചോട്ടിലപാറ ചൂണ്ടപടിക്കൽ വീട്ടിൽ അനുപം പ്രസാദ് (21) ആണ് മരിച്ചത്.
അപകടത്തിൽ പരിക്കേറ്റ ചാവക്കാട് മച്ചിങ്ങൽ യോഗേഷ് (20), ഗുരുവായൂർ ഇരിങ്ങപ്പുറം കറുപ്പം വീട്ടിൽ ഫിജാസ് ( 35) എന്നിവർ ചികിത്സയിൽ.

ഇന്നലെ രാത്രി ഒൻപതു മണിയോടെയായിരുന്നു അപകടം. അപകടത്തിൽ പരിക്കേറ്റ മൂന്നുപേരെയും
ഗുരുവായൂർ ആക്ട്സ് ആംബുലൻസ് പ്രവർത്തകർ മുതുവട്ടൂർ രാജാ ആശുപത്രിയിൽ പ്രവേശിപ്പിച്ചു. പരിക്ക് ഗുരുതരമായിരുന്ന അനുപമിനെ പിന്നീട് അമല ആശുപത്രിയിലേക്ക് മാറ്റിയിരുന്നു. ഇന്ന് പുലർച്ചയോടെയായിരുന്നു അനുപമിന്റെ മരണം.