കാഞ്ഞാണി: അന്തിക്കാട് റോഡിൽ പള്ളിക്ക് സമീപം ബൈക്ക് നിയന്ത്രണം വിട്ട് കാനയിലേക്ക് മറിഞ്ഞ് ബൈക്ക് യാത്രക്കാരനായ യുവാവ് മരിച്ചു. സഹയാത്രികന് ഗുരുതരമായി പരിക്കേറ്റു.
കാഞ്ഞാണി സ്വദേശി ബിജുവിന്റെ മകൻ ഗൗതം (18) ആണ് മരിച്ചത്. ബസ് ജീവനക്കാരനാണ് ഗൗതം. ബൈക്ക് ഓടിച്ചിരുന്ന കാരമുക്ക് തോരേക്കാട്ടിൽ വീട്ടിൽ അതുൽ (22)-നാണ് പരിക്കേറ്റത്. ശനിയാഴ്ച രാത്രി 11 മണിയോടെയായിരുന്നു അപകടം.
അപകടത്തെ തുടർന്ന് അതുലിനെ കാഞ്ഞാണി ‘ആക്ടസ്’ ആംബുലൻസ് പ്രവർത്തകരും, ബൈക്കിന് പിറകിലിരുന്ന ഗൗതമിനെ ‘ഗാർഡിയൻ’ ആംബുലൻസ് പ്രവർത്തകരും ചേർന്ന് ഉടൻ തന്നെ തൃശൂർ അശ്വനി ആശുപത്രിയിൽ എത്തിച്ചെങ്കിലും ഗൗതമിന്റെ ജീവൻ രക്ഷിക്കാനായില്ല. പരിക്കേറ്റ അതുൽ ആശുപത്രിയിൽ ചികിത്സയിലാണ്.
ഗൗതമിന്റെ അമ്മ സുമ. സഹോദരി: ഗൗരി.
Comments are closed.