ഹുസൈനും ബദറും ബാഡ്മിന്റൺ ജേതാക്കൾ

​ചാവക്കാട്: ടീം എലൈവ് കണ്ണാട്ട് ബാഡ്മിന്റൺ കോർട്ടിൽ സംഘടിപ്പിച്ച ഓൾ കേരള സീനിയർ വെറ്ററൻസ് ടൂർണമെന്റിൽ ഗുരുവായൂരിന്റെ താരങ്ങൾക്കും ഇരട്ട വിജയം.​ടൂർണമെന്റിലെ 120+ കാറ്റഗറിയിൽ ഗുരുവായൂരിന്റെ ഹുസൈൻ, ബദർ സഖ്യം ജേതാക്കളായി. പിറവത്തുനിന്നുള്ള ബെന്നി, അമർ കൂട്ടുകെട്ടിനെ പരാജയപ്പെടുത്തിയാണ് ഇവർ കിരീടം ചൂടിയത്. 100+ കാറ്റഗറിയിലും ബദർ തിളങ്ങി. കുന്നംകുളത്തിന്റെ പ്രജീഷും ബദറും ചേർന്ന് മലപ്പുറത്തുനിന്നുള്ള സിദ്ധീഖ്, അബ്ദുൽ സലാം സഖ്യത്തെ തോൽപ്പിച്ചാണ് ഈ വിഭാഗത്തിൽ വിജയം സ്വന്തമാക്കിയത്.​കടപ്പുറം പഞ്ചായത്ത് മെംബർ എം.എസ്. പ്രകാശ് കോഡിനേറ്റ് ചെയ്ത ടൂർണമെന്റിൽ സൈമൺ പാവറട്ടി, സനൂപ്, നജീബ് ബംഗ്ലാവിൽ എന്നിവർ അംപയർമാരായി. ടീം എലൈവ് ഭാരവാഹികളായ സി.ആർ. ഹനീഫ, ഫൈസൽ ഉസ്മാൻ, റസാക്ക് ആലുംപടി തുടങ്ങിയവർ വിജയികൾക്കുള്ള സമ്മാനങ്ങൾ വിതരണം ചെയ്തു.