നാലു മുയലുകളെ വിഴുങ്ങിയ നിലയിൽ പന്ത്രണ്ടടി നീളമുള്ള മലമ്പാമ്പിനെ മുയൽ കൂട്ടിൽ നിന്നും പിടികൂടി

ചാവക്കാട്: മണത്തല കായൽ റോഡിൽ താമസിക്കുന്ന പരേതനായ തൊടു വീട്ടിൽ ശ്രീധരന്റെ മകൻ കുട്ടു എന്ന ധനേഷിന്റെ വീട്ടിലുള്ള മുയൽ കൂട്ടിൽ പന്ത്രണ്ടടി നീളമുള്ള മലമ്പാമ്പിനെ കണ്ടെത്തി. ഇന്ന് രാവിലെ 3.30 നാണ് സംഭവം. ധനേഷിന്റെ വീട്ടിലുള്ള മുയൽ കൂട്ടിൽ നിന്നും മുയലിന്റെ കരച്ചിൽ കേട്ട് വീട്ടുകാർ വീടിന്റെ മുറ്റത്ത് വന്ന് നോക്കിയപ്പോഴാണ് കൂട്ടിൽ മലമ്പാമ്പിനെ കണ്ടത്. കൂട്ടിൽ എട്ട് മുയലുകൾ ഉണ്ടായിരുന്നു. അതിൽ നാലെണ്ണത്തിനെ മലമ്പാമ്പ് വിഴുങ്ങി. ധനേഷിന്റെ സുഹൃത്ത് കണ്ടരാശ്ശേരി ലെജീഷ് വിവരം അറിയിച്ചതിനെ തുടർന്ന് സ്നാക് ക്യാച്ചർ വീരാൻകുട്ടി പള്ളിപ്പറമ്പിൽ, സഹായി നെജുട്ടൻ എന്നിവർ വന്ന് മലമ്പാമ്പിനെ പിടികൂടി.

അന്താരാഷ്ട്ര നിലവാരത്തിലുള്ള സുഗന്ധദ്രവ്യങ്ങൾ കുറഞ്ഞ വിലയിൽ ലഭിക്കാൻ ഇപ്പൊൾ തന്നെ ബന്ധപ്പെടുക. ഓർഡർ നിങ്ങൾക്ക് വാട്സാപ്പിലോ 91 799 4987 599 അല്ലെങ്കിൽ ഈ വെബ്സൈറ്റ് ലിങ്കിലോ ചെയ്യാവുന്നതാണ് www.leparfum.in/leonara/shop/