ബീച്ച് പരിസരം ഡി വൈ എഫ് ഐ പ്രവര്ത്തകര് ശുചീകരിച്ചു
ചാവക്കാട്: ചാവക്കാട് ബീച്ചും പരിസരവും ഡി വൈ എഫ് ഐ ചാവക്കാട് വെസ്റ്റ് കമ്മിറ്റിയുടെ നേത്രുത്വത്തില് വൃത്തിയാക്കി. മീന് വെള്ളവും മീന് രക്തവും കെട്ടിക്കിടന്നും, പ്ലാസ്റ്റിക് മാലിന്യം നിറഞ്ഞും നാറിക്കിടക്കുന്ന ബീച്ചിന്റെ ശോച്യാവസ്ഥയെ കുറിച്ചും സന്ദര്ശകരുടെ ദുരിതത്തെ കുറിച്ചും ‘ നാറുന്ന ബീച്ചും വളരുന്ന ടൂറിസവും’ എന്ന തലക്കെട്ടില് ചാവക്കാട്ഓണ്ലൈന് വാര്ത്ത നല്കിയിരുന്നു.
പ്ലാസ്റ്റിക് മാലിന്യങ്ങള് നീക്കം ചെയ്തും കുഴികളില് ക്വാറിമണല് അടിച്ചുമാണ് പരിസരം വൃത്തിയാക്കിയത്.
ഡി വൈ എഫ് ഐ സംസ്തന കമ്മിറ്റി അംഗം കെ കെ മുബാറക് ഉദ്ഘാടനം ചെയ്തു. ടി എം ഷഫീക്ക്, നൗഷാദ്, പ്രജിത്ത്, മിധുന്, ഹിഷാം, ജി കിരണ്, കെ എം ശഹിൻഷ തുടങ്ങിയവര് നേതൃത്വം നല്കി.
Comments are closed.