കേരളോത്സവം – കടപ്പുറത്തിന്റെ കലാ കായിക പ്രതിഭകളെ ഗ്രാമപഞ്ചായത്ത് അനുമോദിച്ചു

കടപ്പുറം : നവംബർ 23 മുതൽ ഡിസംബർ 1 വരെ ഗ്രാമപഞ്ചായത്തിലെ വിവിധ വേദികളിലായി നടന്ന കടപ്പുറം ഗ്രാമപഞ്ചയത്ത് കേരളത്സവത്തിൽ വിജയികളായ കലാ കായിക പ്രതിഭകളെ ഗ്രാമ പഞ്ചായത്ത്‌ അനുമോദിച്ചു. വീറും വാശിയും നിറഞ്ഞ കലാകായിക മത്സരയിനങ്ങളിൽ നിരവധി ക്ലബ്ബുകളും, ആയിരത്തിലധികം മത്സരാർഥികളുമാണ് പങ്കെടുത്തത്. കലാപ്രതിഭ ഷെഹീർ പികെ അക്ഷര, കലാതിലകം ഫെബിന റഷീദ് ഗാലന്റ് തൊട്ടാപ്പ്. 

കായിക മത്സരങ്ങളിൽ ഓവറോൾ വിജയം നേടിയ ഗ്രാമവേദി അഞ്ചങ്ങാടി, കലാ മത്സരങ്ങളിൽ ഓവറോൾ നേടിയ അക്ഷര പുന്നക്കച്ചാൽ, അത്ലറ്റിക്കിൽ റണ്ണേഴ്സ് ആയ വൈഎംഎ കടപ്പുറം  ഫുട്ബോൾ വിന്നേഴ്സ് ഗ്രാമവേദി അഞ്ചങ്ങാടി, റണ്ണേഴ്സ് വൈഎംഎ കടപ്പുറം, വോളിബോൾ വിന്നേഴ്സ് നാട്ടുവേദി വട്ടേക്കാട്, റണ്ണേഴ്സ് കെകെഎസ് വി കറുകമാട്, കബഡിയിൽ വിജയികളായ മഹാത്മ ഇരട്ടപ്പുഴ, റണ്ണേഴ്സ് മുഹമ്മദൻസ് കാട്ടിൽ, വടംവലി വിന്നേഴ്സ് വൈഎംഎ കടപ്പുറം, റണ്ണേഴ്സ് കെകെഎസ് വി കറുകമാട്, ക്രിക്കറ്റ് വിന്നെഴ്സ് നന്മ ബ്ലാങ്ങാട്, റണ്ണേഴ്സ് കെസിസി കടപ്പുറം, ബാഡ്മിന്റൻ വിന്നേഴ്സ് ഷാനു& സനൂപ് ജയഭാരത് ഇരട്ടപ്പുഴ, റണ്ണേഴ്സ് ഫിറോസ്&മിൻഹാസ് കെകെഎസ് വി കറുകമാട്, റിലേ വിജയികളായ ഗ്രാമവേദി അഞ്ചങ്ങാടി, ചെസ്സ് വിജയി അദീപ് റമളാൻ വൈഎംഎ,  മെഹന്ദി വിജയി ഹിബഹംസ, ക്രോസ്സ്കൺട്രി വിജയി പ്രണവ് വൈഎംഎ, ബാസിത് അലി അക്ഷര തുടങ്ങി കലാ-കായിക വ്യക്തിഗത ഇന മത്സരങ്ങളിലെ ഫസ്റ്റ്, സെക്കൻഡ്, തേർഡ് വിജയികൾക്കും, അത്ലറ്റിക് വ്യക്തിഗത ചാമ്പ്യൻമാരായ മൃദുൽരാജ് ഗ്രാമവേദി, കിരൺരാജ് ഗ്രാമവേദി, ആയിഷഫിദ അമിഗോസ്, കലാപ്രതിഭ ഷെഹീർ പികെ അക്ഷര, കലാതിലകം ഫെബിന റഷീദ് ഗാലന്റ് തൊട്ടാപ്പ് തുടങ്ങിയവർക്കും ട്രോഫികൾ വിതരണം ചെയ്തു.

ബികെസി തങ്ങൾ ഹാളിൽ നടന്ന ചടങ്ങ് ബ്ലോക്ക് പ്രസിഡന്റ് നഫീസകുട്ടി വലിയകത്ത് ഉദ്ഘാടനം ചെയ്തു, ഗ്രാമപഞ്ചായത്ത് പ്രസിഡന്റ് സാലിഹ ഷൗക്കത്ത് അധ്യക്ഷത വഹിച്ച ചടങ്ങിൽ ബ്ലോക്ക് മെമ്പർമാരായ മിസ്രിയ മുഷ്ത്താക്കലി, സിവി സുബ്രഹമണ്യൻ, പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ വിപി മൻസൂർഅലി, മെമ്പർമാരായ ടിആർ ഇബ്രാഹിം, എവി അബ്ദുൽ ഗഫൂർ, അഡ്വ. മുഹമ്മദ്‌ നാസിഫ്, ഷീജ രാധാകൃഷ്‌ണൻ, സമീറ ശരീഫ്, റാഹില വഹാബ്, സുനിത പ്രസാദ് എന്നിവർ ആശംസകൾ അർപ്പിച്ച് സംസാരിച്ചു. ബ്ലോക്ക് പഞ്ചായത്ത്‌ മത്സരാർത്ഥികൾക്കുള്ള ജഴ്സി വിതരണ ഉദ്‌ഘാടനവും ചടങ്ങിൽ നടന്നു. പാഞ്ചായത്ത് വൈസ് പ്രസിഡന്റ് മൂക്കൻ കാഞ്ചന സ്വാഗതവും അസിസ്റ്റന്റ് സെക്രട്ടറി റാഫി നന്ദിയും പറഞ്ഞു.

അന്താരാഷ്ട്ര നിലവാരത്തിലുള്ള സുഗന്ധദ്രവ്യങ്ങൾ കുറഞ്ഞ വിലയിൽ ലഭിക്കാൻ ഇപ്പൊൾ തന്നെ ബന്ധപ്പെടുക. ഓർഡർ നിങ്ങൾക്ക് വാട്സാപ്പിലോ 91 799 4987 599 അല്ലെങ്കിൽ ഈ വെബ്സൈറ്റ് ലിങ്കിലോ ചെയ്യാവുന്നതാണ് www.leparfum.in/leonara/shop/