ദേശീയപാത 66 നിർമ്മാണ അപാകത: സിപിഎം ചാവക്കാട് ഏരിയ കമ്മിറ്റി പ്രതിഷേധ മാർച്ചും ധർണ്ണയും സംഘടിപ്പിച്ചു

ചാവക്കാട്: ദേശീയപാത 66 വികസനവുമായി ബന്ധപ്പെട്ട് നിലനിൽക്കുന്ന നിർമ്മാണ അപാകതകൾ അടിയന്തരമായി പരിഹരിക്കണമെന്ന് ആവശ്യപ്പെട്ട് സിപിഎം ചാവക്കാട് ഏരിയ കമ്മിറ്റിയുടെ നേതൃത്വത്തിൽ പ്രതിഷേധ മാർച്ചും ധർണ്ണയും സംഘടിപ്പിച്ചു.​ ചാവക്കാട് മിനി സിവിൽ സ്റ്റേഷന് സമീപം സംഘടിപ്പിച്ച ധർണ്ണ സിപിഎം ഏരിയ കമ്മിറ്റി അംഗവും ഗുരുവായൂർ എംഎൽഎയുമായ എൻ.കെ. അക്ബർ ഉദ്ഘാടനം ചെയ്തു. ചാവക്കാട് നഗരസഭ ചെയർപേഴ്സൺ എ എച്ച് അക്ബർ ധ്യക്ഷത അധ്യക്ഷത വഹിച്ചു.​ സിപിഎംഏരിയ കമ്മിറ്റി അംഗം എം.ആർ. രാധാകൃഷ്ണൻ, മഹിളാ അസോസിയേഷൻ ജില്ലാ പ്രസിഡന്റ് ഷീജ പ്രശാന്ത്, കെ.എ. ഉണ്ണികൃഷ്ണൻ, ടി.വി. സുരേന്ദ്രൻ, മാലികുളം അബ്ബാസ്, ഷൈനി ഷാജി, ബിൻസി സന്തോഷ്, എ.എ. മഹേന്ദ്രൻ, പി.എസ്. അശോകൻ, ഫസലുദ്ദീൻ പുന്നയൂർ എന്നിവർ സംസാരിച്ചു.