അവസാന ദിവസത്തെ വിദ്യാർത്ഥികളുടെ ആഹ്ലാദ പ്രകടനങ്ങള് അതിരുവിട്ടാൽ പിടി വീഴും
തൃശൂർ : തിങ്കൾ, ചൊവ്വ ദിവസങ്ങളിലായി എസ് എസ് എൽ സി, പ്ലസ്ടു പരീക്ഷകൾ അവസാനിക്കും. സ്കൂൾ ടൈം അവസാനിക്കുന്ന ദിവസം കുട്ടികളുടെ ആഹ്ലാദ പ്രകടനങ്ങള് അതിരുവിട്ടു പോകാതിരിക്കാന് ജാഗ്രതാ നടപടികൾ സ്വീകരിച്ചതായി ജില്ലാ വിദ്യാഭ്യാസ ഓഫീസര് അറിയിച്ചു.
മുന് വര്ഷങ്ങളില് പല സ്കൂളുകളിലും ഫര്ണിച്ചര്, ഫാന് തുടങ്ങിയവ നശിപ്പിക്കുക, പടക്കം പൊട്ടിക്കുക, വാഹനങ്ങള്ക്ക് കേടുപാടുകള് ഉണ്ടാക്കുക തുടങ്ങിയ പ്രവണതകള് ഉണ്ടായിട്ടുണ്ട്. അത്തരക്കാര്ക്കെതിരെ കര്ശന നടപടി ഉണ്ടാവും. പൊലീസ് സംരക്ഷണവും സ്കൂള് പരിസരത്ത് ഉണ്ടാകും. എല്ലാ സ്കൂളുകളിലെയും പിടിഎ എക്സിക്യൂട്ടീവ് കമ്മിറ്റി അംഗങ്ങള് പരീക്ഷ അവസാനിക്കുന്ന സമയത്ത് സ്കൂളില് എത്താന് നിര്ദ്ദേശിച്ചിട്ടുണ്ട്. അമിത ആഹ്ലാദ പ്രകടനങ്ങള് നടത്തി സ്കൂള് സാമഗ്രികള് നശിപ്പിച്ചാല്, ചെലവ് മുഴുവന് രക്ഷിതാവില് നിന്നും ഈടാക്കി മാത്രമേ വിടുതല് സര്ട്ടിഫിക്കറ്റ് നല്കൂവെന്നും ജില്ലാ വിദ്യാഭ്യാസ ഓഫീസര് ഡോ. എ. അന്സാര് അറിയിച്ചു.
Comments are closed.