പൊന്നാനി – തൃശൂർ മെഡിക്കൽ കോളേജ് കെഎസ്ആർടിസി ബസ് സർവീസ് പുനരാരംഭിക്കണം: വെൽഫെയർ പാർട്ടി

മന്നലാംകുന്ന്: പൊന്നാനിയിൽ നിന്ന് തൃശൂർ മെഡിക്കൽ കോളേജിലേക്ക് ദിനംപ്രതി സർവീസ് നടത്തിയിരുന്ന കെഎസ്ആർടിസി ബസ് സർവീസ് അടിയന്തരമായി പുനരാരംഭിക്കണമെന്ന് വെൽഫെയർ പാർട്ടി മന്നലാംകുന്ന് യൂണിറ്റ് യോഗം ആവശ്യപ്പെട്ടു.​നിരവധി സാധാരണക്കാരായ രോഗികളും കൂട്ടിരിപ്പുകാരും ആശ്രയിച്ചിരുന്ന പ്രധാനപ്പെട്ട സർവീസായിരുന്നു ഇത്. മതിയായ കാരണമില്ലാതെ സർവീസ് നിർത്തിവെച്ചത് ജനങ്ങളെ വലിയ ദുരിതത്തിലാക്കിയിരിക്കുകയാണ്. ഈ സാഹചര്യം കണക്കിലെടുത്ത് അധികൃതർ അടിയന്തരമായി ഇടപെടണമെന്നും ബസ് സർവീസ് പുനഃസ്ഥാപിക്കാൻ നടപടി സ്വീകരിക്കണമെന്നും യോഗം പ്രമേയത്തിലൂടെ ആവശ്യപ്പെട്ടു.​യൂണിറ്റ് പ്രസിഡന്റ് ഷാഹുൽ പി.എ. അധ്യക്ഷത വഹിച്ച യോഗത്തിൽ യൂണിറ്റ് സെക്രട്ടറി അഷ്‌കർ പി.കെ. സ്വാഗതം പറഞ്ഞു. വെൽഫെയർ പാർട്ടി പഞ്ചായത്ത് കമ്മിറ്റി സെക്രട്ടറി ടി.കെ. താഹിർ, ഹല്ലാജ് കെ.എം., സൽസബീൽ എന്നിവർ സംസാരിച്ചു. മൊയ്നുദ്ദീൻ നന്ദി രേഖപ്പെടുത്തി.