വയോമിത്ര ക്ലബ്ബിന്റെ നേതൃത്വത്തിൽ വയോജനം ഒത്തുചേർന്നു

പുന്നയൂർക്കുളം: വയോജനങ്ങളുടെ കൂട്ടായ്മയായ പുന്നയൂർക്കുളം വയോമിത്ര ക്ലബ്ബിന്റെ ഒത്തുചേരൽ പ്രൗഢഗംഭീരമായി നടന്നു. കുന്നത്തൂർ റെസിഡൻസ് സാംസ്കാരിക കേന്ദ്രത്തിൽ വെച്ച് നടന്ന സംഗമത്തിൽ ക്ലബ്ബ് പ്രസിഡന്റ് സി. കെ. ഷണ്മുഖൻ അധ്യക്ഷത വഹിച്ചു. സെക്രട്ടറി കെ. കെ. സുരേഷ് പ്രവർത്തന റിപ്പോർട്ട് അവതരിപ്പിച്ചു.
​ചടങ്ങിൽ പി. ഗോപാലൻ, ഉമ്മർ മാസ്റ്റർ, കെ. വേണു, ഷാജു ചെറുവത്തൂർ എന്നിവർ ആശംസകൾ അർപ്പിച്ചു സംസാരിച്ചു. ക്ലബ്ബ് എക്സിക്യൂട്ടീവ് മെമ്പറായിരുന്ന ഉദയൻ നായരുടെ നിര്യാണത്തിൽ യോഗം ആദരാഞ്ജലികൾ അർപ്പിക്കുകയും അനുശോചനം രേഖപ്പെടുത്തുകയും ചെയ്തു.
​തുടർന്ന് നടന്ന ഓർമ്മപ്പെടുത്തൽ സെഷനിൽ എം. വി. ജോസ്, കൃഷ്ണദാസ് മാസ്റ്റർ, ലീല ടീച്ചർ, മോഹൻ മാത്രംകോട്ട്, ബഷീർ കോറോത്തയിൽ, ടി. ഡി. ജെയിംസ് എന്നിവർ തങ്ങളുടെ ജീവിതാനുഭവങ്ങൾ പങ്കുവെച്ച് സംസാരിച്ചു.
​ഔദ്യോഗിക ചടങ്ങുകൾക്ക് ശേഷം ക്ലബ്ബ് അംഗങ്ങളുടെ വിവിധങ്ങളായ കലാവിരുന്നുകളും അരങ്ങേറി. പരിപാടിയിൽ പങ്കെടുത്തവർക്കുള്ള ഗിഫ്റ്റ് വിതരണത്തോടെയാണ് സംഗമം സമാപിച്ചത്.